囝囝幼稚園graduation concert (已加videos)

10月28日是我結婚十週年, 咁啱又係囝囝幼稚園畢業晚會, 所以就冇去慶祝.

成間幼稚園高班每班都要表演一個節目, 囝囝班表演跳舞. 

囝囝好認真去練, 平時在家裏都成日練, 有時細佬跟住一齊跳, 好攪笑架.

啲小朋友要下晝三點鐘到學校集合, 囝囝一早就好緊張咁換好晒衫等我返屋企接佢.

好型仔呀!

一到學校已經見到好多小朋友排隊等老師帮佢哋化粧.

啲小朋友就由下晝三點開始準備, 晚餐都在學校食.

Concert七點鐘開始, 我, Daddy, 還有囝囝以前的保母和她的先生一齊去睇.

囝囝上台領畢業證書.

小朋友用戲劇和跳舞來敍述約瑟的故事, 全部化晒粧, 着住戲服或跳舞衫, 好可愛.

除了囝囝表演的環節, 我最鐘意就係呢支埃及舞, 啲小妹妹着啲衫好得意. 

到囝囝出場, 睇得出佢勁認真, 左邊第二個就係囝囝.






完場時老師見到我仲猛讚囝囝跳得好, 話佢係全班男仔之中跳得最好喎.

呢個係佢既好朋友, 叫Grace, 係Korean.  唔知點解佢學校都幾多Korean讀, 佢班就已經有三個嘞.

晚餐食得少, 完場時就嗌肚餓, 要去麥記醫肚, 成個人攰晒.