返香港最主要目的並非食嘢, 買嘢, 而係陪爸爸媽媽. 十七歲己經離開香港, 所以每年只有機會見他們兩三次, 一定要珍惜見面時間.
由英國公幹返新加坡停一晚, 等二日 (九月十日)就飛返香港, 到香港屋企己經八點幾了. 其實在機上都已食飽, 不過都要媽咪陪我去食宵夜.
腸粉, 好味道.
車仔麵, 米線底. 其實唔餓, 所以只選兩樣餸 - 生菜和牛肚.
第二朝約了朋友食早餐, 大家樂早餐, 只可以講難食.
返到屋企細妹就call我哋去屋企對面間一品飲茶, 啱啱份早餐都未落格, 求其食少少, 所以冇影食物, 都係一般點心, 冇咩特別.
伴住爸爸媽媽身邊就最開心. 前面嗰碟好似係咸菜豬肚, 都幾好味.
撇下兩個囝囝在新加坡, 換上細妹對仔女. 兩個成日黏住我, 嗰晚仲留响我爸媽屋企同我瞓添.
第三日, 九月十二日, 爸爸要去Pacific Place帮媽咪買Estee Lauder護膚品, 於是又一行人出發去金鐘. 午餐在海富中心的Spaghetti House食, 叫了兩個二人套餐, 有四杯餐飲. 另外六十歲以上長者每人有一杯免費飲品. 又掛住影人, 冇影食物. 啲嘢食真係唔錯, 份量仲好足. 埋單都唔駛四百蚊, 五個大人兩個細路食喎, 我碌卡時都覺得難以置信. 响呢邊, 兩個人食都隨時係呢個價錢.
爸爸幾攪笑!
世伯＋分體貼Aunty吖, 買skincare都識........
ReplyDelete[版主回覆10/04/2010 09:57:00]我爸爸好錫我媽咪架, 媽咪話要乜佢都會去買, 呢隻skincare媽咪用咗好多年, 所以大家都識買喇.
(Empty)
ReplyDelete[版主回覆10/04/2010 09:58:00](Empty)
咁你留左幾耐呀?
ReplyDelete[版主回覆10/04/2010 09:58:00]星期五晚到, 星期三下晝機走, 來去匆匆.
腸粉好想食呀!
ReplyDelete[版主回覆10/04/2010 10:00:00]腸粉我番香港必食的.
係呀, 香港餐廳成日都有套餐, 而且份量都多. 我成日都同大少講呢邊樣樣野都咁細碟. 新加坡人細食呀? 大少話入口貴, 所以咪唔俾咁多囉. 真係激死人.
ReplyDelete[版主回覆10/04/2010 10:00:00]呢邊乜都貴, 學大少話齋樣樣都入口既, 冇法啦.
豬腸粉,好好好好好正呀!!呢邊既醬好唔同,我好耐無食勒!!!
ReplyDelete[版主回覆10/04/2010 10:01:00]係呀, 呢邊就算自己整腸粉, 無嗰啲醬真係差好遠.
i like this, my favourite
ReplyDelete[版主回覆10/05/2010 10:11:00]Me too!
世伯 is very playful! He really enjoy your coming!
ReplyDelete[版主回覆10/05/2010 10:12:00]He can be very fun. He's always happy to see us back.
估唔到你地咁歡喜豬腸粉..我就比較愛吃煎腸粉
ReplyDelete[版主回覆10/05/2010 10:12:00]我鐘意食清啲既嘢, 腸粉就啱晒, 煎嘢我麻麻.
係WOR.點解十七歲己經離開香港...你係 國讀書??
ReplyDelete[版主回覆10/05/2010 10:13:00]係呀, 我過嚟呢邊讀預科.
豬腸粉..超掛住,講食野,HK真美食天堂,腍起lam lam脷..
ReplyDelete[版主回覆10/08/2010 09:49:00]仲係平靚正添!