公司週年晚宴 (加相)

上星期五是我公司的週年晚宴, 主題是上海之夜, 在Harbourfront Centre 的一間酒樓舉行.

泊好車後, 就見到日落, 好靚.

會場佈置好懷舊feel.

坐低第一時間睇菜牌, 相信budget 有限, 連湯都無.

頭兩味.

食物水準有幾高, 睇相都知, 所以之後上的我都費事影.

食物差但娛興節目搭夠, 個司儀好風趣好識攪氣氛, 我幾孚笑足一晚.

還有中樂表演.

魔幻傘舞, 個女仔好厲害, 邊跳邊變一把把遮出來, 有大有細.

仲有魔術師逐圍表演魔術.

為了配合主題, 我都著了旗袍.  著旗袍始終要紮起頭髪先似樣, 所以就DIY咗個side bun嘞.  啲綠色頭飾是以前結婚時我細妹買給我的, 因為我本來選了綠色的晚禮服, 但最後換了紅色, 所以呢對頭飾最尾都冇用過, 終於十年後俾我用到, 咁啱顏色同件旗袍好襯.

Organizer還找來一部三輪車, 好開心有得坐.  最近發現呢個freeware叫photoscape, 好好玩, 可以做到好多特別效果, 咁就用來整張懷舊相啦.

咁多人話要睇全身, 就加張我俾人整蠱唱歌時大會攝影師影的相, 臨時俾人叫起身, 冇機會拉好條裙.  呢張真係唯一一張算係全身相架啦.