久休復出

好耐無搓包了, 都忘了對上一次自製麵包是幾時了, 至少一年吧.

沒有自製包包做早餐的日子, 只好到公司樓下canteen食, 但最近canteen 食物每況愈下, 實在忍無可忍, 要出手搓包.

我最鐘意的裸麥包, 簡單易整, 雖然是齋包, 但有裸麥香, 個人覺得好好味, 連細佬都鐘意.

哥哥不肯食齋包的, 所以整了腸仔包, 用了牛奶餐包的食譜, 甜甜的帶牛奶香.

可能太耐無整包, 明明剛剛食完飯, 麵包一出爐老少爺們都一人搶了一個來食.  剩下的就不夠之後一個星期的早餐了. 我都想整多幾盆, 但冰箱長年爆滿. 你們自己看, 這個冰隔是專門用來放早餐食品的, 上面兩底包放入去剛好塞滿, 再多就沒位放了.

久未亮相的自家製包包

囝囝們上星期開始放暑假（這裏暑假只有一個月），每天在家悶爆，所以今日請假一日來陪囝囝們出街。為了今日可以放假，前幾日真的趕工趕到面青青呀！好彩下星期公幹的預備功夫都已經七七八八，明日回公司再作最後整理，應該沒問題了。

今年少整了麵包，因為新工人不會幫忙，要由搓麵到發酵到最後整形入爐到焗好都要自己看着，週末真的很難有機會連續三個小時在家裏。舊工人還在時，我只需要把麵糰搓好，叫她看着我就可以出門辦事了。當她見到麵糰發到幾乎兩倍而我仍未回家時，她會幫我把麵糰先放入雪櫃，等我回家時再繼續。 可是新工人教不會（或者根本不想學），所以都要自己一手一腳去做，也就少做了。

現在早餐都只能在公司canteen食，食到厭沒法子時才會逼自己做麵包。

也不可能有時間心情去玩什麼造型啦，隨便滾成圓形或長形就算了。

那天踫巧有心情，每個裸麥包上切幾刀，再撒點高粉，有點像法包的樣子。

某星期日突然決定做麵包，亂亂做了些咖啡包，參考了愛美麗的咖啡包食譜再胡亂改動材料，入爐前找來做馬卡龍時篩出的粗粒杏仁撒在上面做裝飾。把這相放到Facebook，友人還以為是煎堆，哈哈！

鹹牛肉薯餅 (附做法), 鹹牛肉包

每個週末都要頭痛整什麽麵包, 因為大仔只喜歡吃腸仔包, 火腿包, 煙肉包等.  很久沒買鹹牛肉包, 問囝囝要不要鹹牛肉包, 他立刻讚成.

一口氣做了十六個包包, 鹹牛肉饀裏加了一點炒香的乾蔥, 讓它香一點.  乾蔥頭是切到很碎的, 所以囝囝看不到的.

一定要買Libby's 牌的鹹牛肉, 以前買過另一牌子, "蘇"得受不了.

提子麥包, 迷你漢堡包

今朝我和兩個妹妹用whatsapp來聊天, 內容勁爆笑 (私人理由, 不便詳述), 我一直對着手機笑, 真怕同事以為我發神經.  Whatsapp 真是個好發明, 讓我們在星, 美, 港的三姊妹能一齊免費聊天.  我的四弟也在group裏, 很無奈的因為我們不停的whatsapp令他的手機不停响, 被逼睇我們三個儍婆的無聊話.

星期六除了整鳯梨卷, 還做了兩款麵包, KA那天好忙呀.

好久沒做提子麥包了, 細佬小時候每次我做提子包時他都會在麵包最後發酵時用小手指挖提子來食.  全部都是提子饀怕悶, 所以包了幾個朱古力粒的, 三角形的就是朱古力饀.

一齊整包包

上星期沒有自製包包做早餐, 要捱現成方包, 很受不了.

現在哥哥已經沒有到外面學琴, 改成聘老師回來教, 所以星期六午餐後我只需開車送Daddy和細佬去學琴 (陪學琴重任由Daddy負責), 整個下午可以留在家.  以前一個兩點堂, 一個三點堂, 送完細佬, 又要倒回頭送哥哥, 一來一回一個下午就報銷了.

有整個下午在家, 最開心就是可以開工搓包包.

買了一個南瓜, 蒸熟後加入和麵粉一起搓, 就做成了金黃色的南瓜包了.   造型是我一貫風格, 亂亂來.   未入爐前的南瓜包.

Poppy seeds roll (附食譜）

昨晚睡不好, 很累, 所以先post一篇倉底貨.

這是多久好久以前做的poppy seeds roll (黑櫻籽包).

食譜出自Delia Smith, 牛油份量很重, 所以成品是非常香, 好好吃喔!

我很喜歡吃有黑櫻籽的麵包, 但家人全部都不愛 (不明白, 黑櫻籽本身沒什麽味道嘛), 所以我在二記買了一包, 用了好久都用不完.

下面是我大概翻譯的食譜, Delia Smith 寫的做法是沒提到要搓到什麽樣子的, 只說搓十分鐘, "光滑有彈性"是我自己加的.  我依稀記得(幾年前做的)我是沒搓出薄膜的.  牛油是待麵糰發酵後才加的, 和我們平常做的麵包做法不一樣. 

Makes 16 rolls
Milk 275 ml
Sugar 1 tsp
2 tsp yeast
450 g bread flour
2 tsp salt
110 g butter
1 egg

直接法
將所有材料混合(牛油除外）搓揉至成光滑有彈性的麵團。靜置發酵至兩倍大， 排氣，慢慢搓入牛油。
工作枱撒少許粉，分割滾圓，造型，灑上poppy seeds, 最後發酵約一小時。放入預熱焗爐190度焗20分鐘。

法包, 裸麥包

哥哥去了兒童營兩日, 不知道他過得怎樣. 

他本來是不願意去的, 一直說要每天晚上都回家睡.  我哄他說有什麽事就打電話回家, 真的不行我就把他接回來.

結果過了兩天, 一個電話都沒打回來, 應該是玩得太開心了.  Daddy說"no news is good news", 希望是吧.

這已經是上個月焗的麵包, 一次過焗了一大盆.

有小型的, 好像小時候愛吃的硬豬, 外脆內軟.

病假整包包

整個星期才出了一篇blog, 全因生病了。

可能因為在馬來西亞合唱營時節目太緊湊，太累了，所以星期一晚開始發燒。

很奇怪就只是發燒和很輕微的喉嚨痛，沒傷風沒咳嗽，但卻反反覆覆，一天好一天又不舒服，今天還是頭痛和整身酸痛，但藥都吃完了，也不知道是什麽問題，希望快點完全好了。

星期二請了一天病假在家休息，但那天其實還算精神，所以就和囝囝們一起做點麵包。

細佬學着把麵糰滾圓，還似模似樣的。

還是自製麵包好吃

星期三哥哥中文測驗, 要測四個chapters.  要他自己在家温習是不可能的, 一定要我們看着他才肯乖乖的讀書.  所以星期一下晝我請了半天假在家陪太子讀書, 星期二晚上也陪他温習了一晚, 希望他能拿到好成績.  不知道現在是我在讀書還是他在讀書.

難得在家, 就邊陪温書邊做點麵包.  好久沒做麵包了, 每天靠姐姐來分配早餐, 都是現成方包夾火腿, 果醬之類, 實在再吃不下了, 還是自家製麵包好吃多了.

只用了300g麵粉, 做了腸仔包和一大一細的蒜蓉包.  蒜蓉牛油是之前用剩的存在雪櫃, 剛好剩下一大一小的麵糰, 就隨手在包面割一刀再搽上蒜蓉牛油做成蒜蓉包.

楓糖核桃無花果包, 焦糖核桃 (附做法)

今日呢篇要用廣東話寫, 因為要鬧人.

今日好嬲, 唔明點解有啲人對住外面公司啲人咁怕事, 成隻鵪鶉咁, 乜都話yes, 一啲立場都無.  俾人蝦到上頭, 居然不停妥協, 做人有啲底線可以嗎?

我答應放一半時間喺個project, 當然公司就應該charge人慣常收費啦, 嗰個外面人居然話要我填 time sheet, 把幾火, 家陣當我係temp. clerk 吖? 我話放50%就50%啦, 唔信既唔好做吖.  我即時出聲話唔駛, 直接平時我做開外面project 收幾錢就幾錢, 少個仙都唔得!

唔好意思, 你哋可能唔知我講乜, 唔緊要, 當我發噏風, 志在發泄吓啫.  若然你哋識得我公司啲人, 請唔好講番出嚟喎.

星期一留喺屋企一日, 當然唔止煮雞粥炒麵啦, 仲整咗包包.  雪櫃上下格都逼爆, 所以今次只可以做少量, 六個楓糖核桃無花果包. 

本來個食譜係要掃蛋汁喺面, 但我唔鐘意有時掃咗蛋汁啲包表面會痴立立, 所以改成撒粉.  原本只放核桃, 但發現雪櫃有包放了被遺忘了的無花果, 只剩下兩粒, 就加埋落去.   呢款包好好味, 有楓糖同蜜糖, 微甜但有楓糖香, 核桃又香又脆, 感覺幾健康.

第一條吐司

六月從香港買了一個吐司模, 擱在廚櫃裏幾乎忘了它的存在.

兩個星期六前突然記起, 找個容易食譜來試做吐司.

選了綠萼的彈彈波吐司來做實驗, 因為這個吐司是直接法的, 快點, 材料也很簡單.

這就是我的第一條吐司了, 樣子算滿意, 這食譜做的吐司好像不會頂角的.

德國裸麥包, 印尼椰汁糕

最近寫得太少, 存了好多東西沒post, 所以最近的post都不跟次序了.

五一勞動節當日, 本來打算偷懶什麽都不做hea一天, 就因為Daddy說不要外出, 就逼着煮了日式豬扒飯做午餐.

不煮還好, 一開始就停不下來.  吃完豬扒飯後, 就做了兩盤麵包, 德國裸麥包, 腸仔和肉鬆包.

這德國裸麥包要用上法包老麵做的, 老麵是我上次做法包時剩下存在冰箱的, 解凍就可以用.  加了裸麥粉感覺健康很多, 入爐前撒粉割紋, 焗爐先噴水, 焗完的包包外脆內軟.

醜醜的包包

最近疏於寫blog, 己經存了大量倉底貨, 再不出自己都快要忘記了.

這好像是三個星期前焗的包包, 跟從圖書館借來的麵包書整的.

這是養生杞子參須葵花籽包, 味道很有趣, 帶點花旗參的苦甜味, 家裏的都人嫌苦都不肯吃, 但我卻覺得不錯. 

杞子和參須要先用熱水泡, 浸完隔出的水用來搓包, 最後才把杞子混入.  但杞子吸了大部份水, 所以隔出來的水不夠用來搓包, 只好自己胡亂加多點水來搓, 但搓好後再加入杞子, 麵糰又變得太濕, 所以太軟焗完出來的造型變了很塌. 

Yummy purple

紫色非我最愛的顏色, 紫色的衣服一定不是我的首選.
唯有紫色蕃薯讓我牽腸掛肚, 奈何它總是芳踪沓然, 總要我等了又等才肯出現. 
最近又發現了它的芳踪, 立時捧了1kg回家.
先做了十七小時紫蕃薯麵包, 淡紫色的外表, 煞是漂亮.  只怪我用了蛋黃(做戚風剩下的)掃面, 所以包包上面的顏色不均勻.

鹹牛肉粟米包, 吉士包

囝囝有日突然話要食鹹牛肉包, 難得他想食我整的包包, 我當然義不容辭去買鹹牛肉來整.
上次買的鹹牛肉我覺得有膻味, 網友介紹買利比牌(Libby's), 真的好多了.  一點膻味都沒有, 而且也不覺肥膩. 
於是星期日就整了粟米鹹牛肉包, 今次我偷偷的加了些切到很碎的洋蔥, 囝囝吃不出洋蔥味但包包饀香很多.

德國裸麥包

最近少了post麵包, 其實每個星期都會整來做一個星期的早餐. 現有了KA, 整包包已經不像以往那麽大工程, 慳好多時間.  以前要整包的話, 我星期日練完詩班就要趕住返屋企.  如今我還可以施施然的去shopping一輪才回家整.  手搓每次最多搓三百克, 要整多一點就要分兩次搓, 而用KA就可以一次過攪掂.  

為了找新靈感, 從圖書館借來"孟老師的100道麵包"一書.  這書不錯哩, 有100種麵包可以慢慢試, 下次回港去找找這書, 把它買下來. 剛過去星期一焗了德國裸麥包, 全為了要消滅那包擱在雪櫃裏很久的裸麥粉.   

原食譜要200克高粉100克裸麥粉, 但原來我的只剩60克裸麥粉, 只好把高粉份量提高, 水份亦相應加多.  很久沒做包面撒麵粉的包包, 出爐時讓我想起以前在英國常吃的歐陸包.  只可惜我的不是steam oven, 包包放涼了表皮不是不脆的. 雖然加了裸麥粉, 包包仍然很軟熟, 囝囝們喜歡用來夾火腿, 煙三文魚之類來做下午茶.

芝士包, 煙肉包

新blog仍在適應中, 寫post上相都似乎沒問題, 最大問題係點揾番以前啲blog友, 要探未upgrade既blog友比較難, 唔怪得之前見人講話upgrade後要尋人啦. 另一個問題係好難控制字體大小, large又太, medium又太細, 不過我發覺可以响word度寫, set好大小再copy過嚟就得喇, 但font仍然控制唔到.

更新: 啱啱發現點可以揾番以前啲blog友, sign in 之後, 可以去hk.blog.yahoo.com, 就會見到自己blog的資料, 按訂閱者旁的數字, 就會見到舊blog的訂閱者名單, 再按左邊的"管理blog友名單", 咁就可以睇到以前有連繫的blog友.  不過如果按"自己blog"係會去返新blog, 去唔番舊blog架.

上星期和囝囝們去圖書館借書, 囝囝們揾兒童圖書, 我就當然揾食譜書, 借了本"65度c湯種麵包".

過去週末就即時試了書內的食譜, 整了芝士包, 但我由書內的mozzarella cheese換成上次整煙肉芝士餅乾用剩的parmasen 芝士碎.

照書內食譜份量出來的麵糰超級濕, 只好用我的老爺打蛋器加上dough hook 來攪, 再在枱上撻呀撻, 求其有少少薄膜就算了.

分割滾圓時, 我先用油沾在手上, 就不需用手粉都能操作了, 這是我從外國食譜書學的. 因為本身我已經減了牛油份量, 所以就算再加油都不麵包太油.搓成橄欖形, 最後發酵後, 撒上芝士碎, 我再貪得意撒上黑糊椒粒和parsley, 你們可以想像焗時有多香!

班蘭椰檳, 鹹牛肉包

好耐冇post麵包, 其實每個星期都會整包包, 但整嚟整去都係嗰幾款就懶得出.

幾個星期前整班蘭蛋糕用剩些少班蘭椰汁, 咁啱預備好中種要整椰檳, 唔好嘥, 加埋落去一齊搓.

因為只用了少量班蘭椰汁, 所以顏色和普通椰檳一樣, 但隠約有少少班蘭香.

上次班蘭椰絲蛋糕卷, 大佬好鐘意, 以為椰檳佢一定鐘意.  點知佢一拎起, 咬一啖, 就衝入廁所嘔. 

大佬由細到大都好敏感, 只要聞到或食到不對胃口的食物, 就會嘔.  有時朋友話小朋友唔可以俾佢咁挑食, 乜都要逼佢食啲.  但唔係我唔想逼佢, 係逼佢都冇用, 佢真係一食就會嘔.  細個腸胃唔舒服, 醫生話唔可以飲奶, 要飲豆奶.  佢飲一啖又係乜都嘔番晒出嚟, 最尾冇法要自己煮粥水佢飲.

新嘗試鹹牛肉粟米包.  我第一次食鹹牛肉, 但唔太鐘意, 覺得有陣味.  不過囝囝哋卻十分鐘意, 仲叫我下次要再整.  唔知係咪我買呢隻牌子鹹牛肉唔好呢?  你哋知唔知邊個牌子既好味呀?

吉士醬包, 叉燒包

明天媽咪就要來了, 非常期待啊!

原來不只我一個興奮, 大佬更緊張, 每日都睇日歷倒數, 然後食晚餐時向我報告"婆婆還有x天就到喇!"

應該是兩個星期前整的包包, 星期日返完教會才整的, 所以趕時間用直接法.  雪櫃裏剩三隻蛋黃(蛋白之前用來蒸蟹), 剛好用兩隻來做麵包, 一隻整吉士醬.

之前叫姐姐一次過焗多點叉燒, 有剩用來整包包又好, 炒蛋炒麵炒飯都可以. 用乾蔥碎生抽, 老抽, 蠔油, 糖, 水和粟粉煮成芡料, 混入切碎叉燒就可以用來做叉燒包饀.

貪得意在吉士醬包面上面唧上圖案和大佬名字, 希望他見到會食得更開胃.

湯種新體驗

見AA常讚湯種包有幾好食幾鬆軟, 當然要跟風試試.

從Carol老師那裏找到牛奶湯種食譜.

第一次做就照足食譜份量, 結果出來有300克湯種, 但主麵糰只需用100克, 其餘200克只好存雪櫃.

原來湯種包做法算幾簡單, 只比直接法多一點點工夫, 但又比中種省時.

右邊肉鬆包, 左邊奇形怪狀的是chocholate chip包.