奶奶身子弱, 很少出門, 要請她來吃晚飯都要特別早, 夜了她會好攰. 所以約了六點半開始. 不過大姑奶和老公秉承新加坡人的優良傳統, 當然例遲, 虧我和姐姐一早煮好晒.
Daddy 一家對食沒甚研究, 無論煮咩佢哋都好似冇興趣, 所以每次都要好頭痛去諗煮乜. 今次我都冇咩心機去預備, 隨便煮幾樣小菜算了, 份量亦預少一點.
叉燒和泰式燒豬肉, 因為枱太長, 分開兩碟, 呢碟係細碟的, 還有另一碟大的.
蝦仁冬菇炆魚肚, 奶奶最鐘意呢味, 食好多魚肚哩.
涼拌雞絲青瓜, 簡單快趣的一道, 雞脾蒸熟撕成絲, 放在青瓜上, 淋上用麻油, 喼汁, 生抽和醋混合的汁.
又嚟金銀蛋莧菜, 都話呢餐好求其啦, 不過我今次加了原粒金蒜, 用上湯煮過好正.
呢味就最求其, 煙肉金菇卷, 入爐焗熟就得.
呢餐都算成功, 以前煮親俾Daddy家人食都食剩餸, 佢哋亦會冇乜反應. 今次食晒(煮得少), 奶奶話好食, 大姑奶仲幾乎一個人食晒成碟涼拌雞絲添.
No comments:
Post a Comment