兒童音樂會: Carnival of the Animals

22.11.2013

上星期五是哥哥的九歲生日, 我和Daddy都請了假一家人出去慶祝.

下午先去Esplanade (濱海藝術中心)聽一個特別給小朋友的音樂會, 由新加坡管弦樂團呈獻的Carnival of the Animals.  由兩名演員和管弦樂團通過短戲和音槳的穿插, 讓小朋友對不同的樂器有多點認識.  

演奏廳外放了不同的動物紙板給小朋友們影相留念.

未完的故事@新加坡

感謝主, 讓我參與頌恩旋律《未完的故事》音樂劇. 一連三晚的演出順利完成.




和散那, 和散那!  民眾揮動棕樹枝歡迎耶穌進入耶路撒冷.

未完的故事 - 預告篇

今年主給了我一個新挑戰, 讓我參演一個音樂劇. 
每星期日都會和詩班上台獻詩, 上台唱歌是平常事. 
演戲嘛, 讀書時也曾參加過業餘電影, 算是有過經驗.
但又唱又演, 可是第一次哩.
今年在誤打誤撞下(當然是神的美意), 在<<未完的做事>>中軋上一角, 雖然是個小角色, 但也需要花很多時間去排練, 所以最近都很忙, 但能用音樂服事神也是值得的.
在新加坡的blog 友們, 誠邀你們在受難節的長假期來欣賞<<未完的故事>>音樂劇,
 此劇將會一連三晚在三個不同地點上演, 全部歌曲都很悅耳的, 入場免費, 不過座位有限, 最好早點到場.

在新加坡很少有機會能看到廣東話演出的, 不容錯過啊, 希望你們來捧場.

Vienna Boys' Choir + 店小二燒鴨

啱啱發現新版可以同時選幾項分類, 幾方便.
轉新版以後, yblog都好冷清.  依家全民升級後, 希望會熱鬧番啦.
08.10.2011
上星期六去睇Vienna Boys' Choir concert, Daddy對choir沒興趣, 細佬太細唔入得場, 所以只有我會大佬去.
不過之前Daddy陪我們去Marina Shopping Centre 的店小二食飯, 然後他在那裏等我們散場再一齊返屋企.
好鐘意去店小二食, 好味又抵食.  今次叫了最經濟的二人套餐, 加多碗飯三個人剛好.
當歸燒鴨, 皮很脆, 肉也嫩, 而且一點臊味都冇.  大佬起初話唔要鴨只要雞(去邊揾雞呀?!), 但食一啖就話好好味, 跟住一個人食晒半碟.

可選東坡肉或蒙古排骨, 我每次都揀東坡肉, 因為東坡肉功夫多, 自己在家不會煮的.  樣已經夠吸引, 而且真係好好味.

The Music of Andrew Lloyd Webber

媽咪到咗喇!  好開心呀!  佢第一次自己去香港機場, 自己check-in, 自己入閘上機, 所以我都有少少擔心.  不過佢好叻, 平安到達.

噚晚我整定咗隻醉雞俾媽咪試, 佢好鐘意食。飯後我哋仲同囝囝哋一齊去散步，好開心哩。

上星期六我和Daddy去了Marina Bay Sands睇The Music of Andrew Lloyd Webber, 啲飛好貴, 好彩Daddy公司買有優惠.


經公司訂仲可以攞到好位添, 睇下幾近個台.

献詩

願主悅納。

主啊! 唯有你鑒察我， 唯有你認識我。

我需要你在我生命當中， 成為我的力量， 成為我的引導。

哦主， 求你保守我的心， 我的意念，

使我能夠遵行你旨意，

我願將你話語深藏在我心，

作路上的光， 成為我腳前的燈。

哦主， 求你堅固我信心， 我的力量，

使我得以勇敢向前行，

因我知道有時我仍會軟弱，

求你帶領我，使我不會再退縮。

我需要有你在我生命中，好讓我一生能學你的樣式，

使我能成為你所喜悅的兒女，使我的生命能夠彰顯你榮耀。

Happy Children's Day

今日香港人因為國慶放假, 我囝囝就因為新加坡兒童節一樣有假放, 可惜大人仍然要返工.

駕車上班途中, 電台播了這首歌, 很久以前梁文福的歌, 也只有他寫得出這樣的歌詞.  大家不妨聽聽, 相信香港人一定都沒聽過, 歌詞一次過帮你重温當年中史課. 

曾經中史是我最愛的科本, 直至中三時讀到近代民國, 毛澤東, 大躍進, 太亂了, 把我對讀中史的興趣完全消滅, 所以我對最後一句歌詞好有同感.

歌詞:

如果秦始皇燒書都燒完　我不必讀到三點半
如果周公真的忙著治天下　何必不斷催我入夢鄉

三閭大夫不投汨羅江　賣粽子老王生活怎麼辦
如果楚霸王當年不到烏江　隔壁班劉邦不會這麼囂張

西施不浣紗　昭君不和番　現代的古典美人做何打算
如果劉備哭不出諸葛亮　會不會鬧出一陣劇本荒

只看過薛丁山　偏要考安祿山　知道馮寶寶她演過楊玉環
若非十二金牌將岳飛來調返　今天還吃不吃到油條香

我吃過月餅當然知道朱元璋　吃榴槤知道鄭和下西洋
胡金銓的戲裡聽過東西廠　看金庸小說知道袁崇煥

只嘆林則徐燒鴉片燒不完　西太后偏偏相信義和團
珍妃不該嫁給那個光緒皇　幾千年等到一個孫中山

萬里長城長　沒有歷史長　考試題目比那絲路還彎
五胡亂華亂　我的腦筋更亂　心情比那個八國聯軍慌

多少年的改變已經很習慣　多少次革命總是革不完
謝天謝地近代史老師講不完　下一代歷史考試不敢想像

收到喇!

收到喇!  好開心呀, 想擁有好耐的DVD終於到手喇!

趁家陣英磅跌咗, 响英國網站Presto Classical訂, 連郵費都比amazon未包郵費前平.

恨咗好耐, 就係佢嘞 - The Magic Flute (Die Zauberflöte) at the Royal Opera House Covent Garden.

星期六一收到就即刻拆嚟睇, 奈何有其他事要辦要出門, 仲未可以一氣呵成睇晒成個劇. 不過兩個囝囝自己喺屋企就已經睇完, 仲好鐘意添.

成個production, 由唱功到舞台設計都非常出色, 如果可以現塲睇就更正.

Diana Damrau 完美演繹Der Hölle Rache, 太太太精采了.


噚日下晝又再睇, 睇到忘記焗緊黑啤包, 結果包包面焗到黑晒, 好彩未燶, 仲食得.

Student recital (學生音樂會)

不經不覺跟老師學聲樂已經有十年, 由未結婚就開始學. 

可惜中間有六年時間因為生兩個囝囝, 成日做逃學威龍, 所以學咗咁耐都係停濟不前. 

見到其他學妹學弟都考到八級, 實在覺得太慚愧.  好彩老師都仍好有耐心咁等我, 唔介意我打遊擊方式上堂, 一個月先去上一堂兩堂.

年頭老師問我要唔要參與學生音樂會, 當時都好猶豫.  最後答應咗, 主要係想俾自己一個動力, 逼自己勤力啲去上堂, 上練歌.  但當時唔知姐姐五月會返鄉下, 知道既話, 我一定唔唱.  就因為咁, 呢次實在太大壓力, 五月時要返工, 要湊仔, 要煮飯做家務, 已經攰到死仲要去上堂練歌, 真係好辛苦.

個音樂會响過去個星期日舉行, 呢張就係老師讀設計既囡囡整既poster. 

地點: YMS Arts Centre.