香港台灣之旅 - Day 2-4

2018年一開始就諸事不順, 心情一直都麻麻.

每次開了blog 想寫, 寫幾句又放低了.  這篇一月第一個星期寫的, 寫了一半就停.  今日要起心肝寫完.

Daddy今年上半年會常常飛, 前個星期就飛了, 下個星期才回來. 然後二月過了農曆新年又飛,  唉...

我要自己攪掂兩隻馬騮, 新來的姐姐又勁唔醒目, 我幾乎日日放工都仲要顧好多嘢, 所以真係好攰好煩. 公司嘢亦令我好煩, 2018年應該係唔容易的一年.

26.11.2017-28.11.2017

星期日朝早約細妹一家去牧牛餐廳食早餐.  牧牛的炒蛋炒得好滑, 囝囝們每次都要去食.

香港台灣之旅 - Day 1

去了香港和台灣兩個星期, 星期六才回到新加坡.

風流快活了兩個星期, 回來後就忙到無命. 

姐姐在我們飛前一個星期回印尼照顧她的先生(要做手術), 我們回到香港後就收到她的電話, 她的先生需要幾個月時間康復, 所以她不能回來了.  唉, 又要揾工人了. 這個姐姐做得很不錯的呢!

所以回來後, 兩個仔仔就要去我奶奶家住, 因為我和Daddy日頭返工時沒人在家照顧他們.  沒有姐姐的日子, 要返工又要做家務, 還要忙着練聖誕報佳音的歌, 每日都攰到像魂遊似的. 這個十二月一點都不好過呀!

呻完一輪, 開始今次的遊記.

25.11.2017

本來我們要去香港和台灣, 最直接的就是坐國泰, 可以在香港轉機停留. 但自從幾年前坐過一次國泰後, 實在太差了, 我們都極不願意再坐國泰.  最後Daddy用他的飛行哩數再加少少錢換了星航的新加坡香港來回機票, 然後再訂長榮的香港台北機票, 總花費還比直接訂國泰便宜一點.

今年新加坡樟宜機場有可愛的Sanrio 裝飾.

2016年11月香港行(一)

2016.11.19

我去完首爾後, Daddy就帶囝囝們來香港會合我.  我星期五半夜才到香港, 他們就下晝到, 所以住Disneyland Hollywood酒店住一晚.  我落機後就返屋企瞓, 星期六朝才去廸士尼陪他們玩.

對上一次去廸士尼已經是四年前, 囝囝們再入廸士尼玩勁開心.

回港的匆匆的三日

回來新加坡兩個幾星期了, 好想快點寫好遊記, 但真的好忙好忙. 

下星期又去旅行了, 所以公司裏一大堆工作都要趕着完成, 有project趕, 還踫上一年一度最頭痕的日子(appraisal), 簡直忙到無氣透.

十一月十日飛了返香港, 陪香港家人三日, 然後和兩個妹妹去日本北九州玩一個星期, 回港一晚再趕回來陪囝囝過生日.

兩年沒回港了, 但此行只有三日, 所以除了陪家人外, 只約了三位好友見面.

朋友貴精不貴多, 能交心的朋友我只有幾個.  其中一個是中二的同班同學, 廿幾年來都一直保持聯絡, 每次回港都會約見面.  我們這次約了食下午茶, 沒留意餐廳名, 但綠茶甜品相當可口.

海洋公園

11.12.2013

每次會香港都會帶囝囝們去海洋公園或迪士尼玩, 今年就輪到去海洋公園.  其實囝囝們都是較喜歡去海洋公園多於迪士尼, 可能因為排隊時間較短, 人也較少.

在香港的冬至晚餐

放假在家好像比工作更忙，每天要帶囝囝出去玩，所以會少點巡blog，留言也會遲點覆，等聖誕過後，我會補會的，請見諒。

11.12.2013

在香港的頭幾天因為吃藥要戒口，家人都不敢買海鮮。等到臨走前的那晚，妹妹買來好多海鮮，那晚就當成一家提早做節。所以昨天冬至我們只是煮簡單一餐，吃點湯丸就算了。

二妹以前在新加坡時不吃辣的，現在嫁去美國後才喜歡上辣，還說很想念辣椒蟹，馬拉盞炒蕹菜等的菜式。剛好帶了一些調味包回去做手信， 就為她做一道辣椒蟹配炸饅頭。其實若不是為了二妹，我會煮薑蔥蟹。

三妹這次買到的蟹超級肥美，大隻又多膏。

弟弟的上頭儀式

12.12.2013

弟弟結婚日子是找人擇吉日的, 連上頭儀式也要講究時晨, 選在淩晨一點.

當日我結婚時, 雖然我們是基督徒, 也有上頭, 因為我媽媽說傳統要跟. 也好像是半夜時間, 我只記得我很早就入房睡(I need my beauty sleep), 媽媽和妹妹們到時候就把我叫醒, 由媽媽替我上頭. 上完頭我就飛快回房繼續睡.

晚飯後我們三姐妹就忙着幫他貼囍字, 在等的時候還做面膜, 吃點零食, 雖然很睏, 但也覺得挺好玩的.

現在上頭的用品可以一整套買的, 全套擺好在茶几上, 淩晨一點就由二叔幫忙上頭.

 

我以為上頭是說"一梳", "二梳"和"三梳", 原來現在還有"四梳梳到四條銀筍盡標齊", 但超饒口, 我二叔還要看着這張紙來讀. 到底四梳是什麽意思? 我真的不明白, 銀筍和結婚有什麽關係? 為什麽要四條呢?

大鄉里上山頂

我回來了! 

其實上星期四晚就回來了, 但回來後一大堆東西做, 沒空去打理這裏.

這次回香港主要是為了我弟弟的婚禮, 很怱忙的幾天, 除了他結婚那天, 其餘的時間好像沒什麽記憶.  看着拍了的照片, 居然想不起頭幾天做了些什麽.  真的老人痴呆發作了! 哈哈, 不是啦, 是因為我回到香港就立刻去看醫生,醫生開了很重的藥, 吃了後整個人渾渾沌沌的, 吃藥的三天裏好像做夢了三天.

容許我長氣一點, 記下幾天的"行程", 以防以後老人痴呆又發作. 不想讀的, 請直接跳去下面吧.
6/12  下午抵港, 放下行李就出門去新世紀廣場為囝囝們買Dr Kong的鞋, 順便去逛了一圈花園街.
7/12  和家人喝早茶當早午餐, 看醫生, 和Daddy在太子附近逛了一下. 然後, 吃藥, 然後, 就不記得了.
8/12  全家到麥當當食早餐, 陪媽媽去教會, 到樓下酒樓吃午餐. 之後坐火車到沙田宜家幫媽媽買一塊全身鏡, 回家吃晚餐, 然後和朋友見面.
9/12  大清早起來和朋友吃早餐, 坐地鐡到中環, 轉電車去灣仔, 因為約了Daddy的同事到東海飲茶. 之後去坐山頂纜車上山頂, 回程由中環地鐡站行去香港站(好遠呀!)坐去九龍站圓方, 因為約了我的好朋友見面. 晚餐在家裏吃, 淩晨一點弟弟上頭儀式.
10/12 弟弟大喜之一, 忙了一天.
11/12 海洋公園, 在家吃豐盛海鮮晚餐.
12/12 飲茶後就出發去機場回新.

除了弟弟結婚那天, 12月9日是最忙的一天了.  早上六點幾起身, 直踩到淩晨兩點才能睡.

在新加坡囝囝們出入不是坐校車就是坐我們的車, 很少有機會坐巴士或地鐡, 所以回香港可以坐公共交通工具都會很開心. 坐電車更要坐在樓上車頭,就算坐幾個站也很滿足的.

旋風回鄉(4)

雅虎今天是不是又儍了, 我的關注全部不見了, 希望只是暫時.  要慢慢一個個BLOG友再找回會很痛苦呀.

從香港回來己經超過兩個星期, 還在寫香港行, 自己也覺得過份.

24.06.2012

最後一日在港了, 節目排得密密麻麻的. 

一早拉大隊到樓下茶餐廳食早餐, 這茶餐廳夠大, 有大枱可以給我們一行九人坐.

這種早晨A, B, C, D 餐在新加坡是沒有的, 所以回港必吃.  不過, 這種早餐偶而食一次好了, 份量太大了(肥!).

旋風回鄉(3) - 端午節

23.06.2012

這次回去剛好是端午節, 可以和家人一起做節.

自從爸爸回天家以後, 過時過節就由我和妹妹(如果我在香港)來準備了. 

朝早和妹妹去街市買餸, 人人都在趕買餸做節, 人山人海的.

好久沒看過活生生的雞了 (新加坡是實行中央屠房的, 只能買到冰鮮), 忍不住影張相.  我們買了一隻龍岡雞.

旋風回鄉(2)

22.06.2012

這天節目是出外吃吃吃.

約了朋友食早餐, 朝早七點半.   這麽早囝囝們還在夢鄉, 把他們和Daddy撇在家裏, 我自己去赴約.  其實心裏是想食粥麵, 但友人沒問就一個勁兒把我帶去茶餐廳.  不是不喜歡吃茶餐廳, 但就是想吃粥呀.  也不能怪人, 是我自己沒出聲啦.  太早了, 還未完全醒, 沒影相.

午餐約了Daddy公司在香港的一個同事, 去中環鏞記.  Daddy已經吃過幾次, 但我身為香港人都未試過, 所以這次全家人跟着去.

雖然鏞記貴, 但也超多人, 還好我們有訂位.

旋風回鄉 (1)

每次停寫了幾日, 就好似沒有了momentum, 須要時間去再pick up.

友人問點解仲未寫香港行, 好吧, 現在就寫.

其實只有四日在港, 加上有兩個囝囝同行, 能做的很有限.

22.06.2012

到埗後第二朝就去迪士尼. 每次帶囝囝們回港, 都一定會去海洋公園或迪士尼, 上次回港去海洋公園, 今次就輪到迪士尼.

每次坐欣澳至迪士尼站之間的地鐡都會特別開心, 因為有迪士尼音樂聽, 又有得意米奇手挽, 仲有好多迪士尼卡通人物的擺設, 連車窗都係米奇哩.

九月香港行 - 海洋公園

08.09.2011

呢日去海洋公園, 幾乎每次帶囝囝哋返港都會去的.  佢哋鐘意海洋公園多過迪士尼.上年才去過, 估唔到一年時間內變咗咁多. 一入門口已經唔同晒樣, 好似迪士尼或環球影城之類的theme park.  我諗如果迪士尼冇嚟香港, 海洋公園仲會唔會攪咁多革新呢?

 

九月香港行 - 柴娃娃揾食

05.09.2011返香港最開心可以和家人在一起.家附近開了間甜品店叫木子甜品, 這天晚飯後就全家一齊去試試.  這店賣的都是台灣風味甜品, 讓我試到冰粽.紅豆冰粽, 很晶瑩剔透, 口感煙韌, 和上次我自己試整的差天共地.

九月香港行 - 大澳

06.09.2011
每次返港來來去去都是去海洋公園, 迪士尼之類, 今次決定帶囝囝們去大澳, 見識一下漁村風貌.
原來媽咪也沒去過, 所以也興致勃勃的和我們一起去.
坐地鐡至東涌, 再轉乘45分鐘的大嶼山巴士才到. 

囝囝在巴士上不停地問: "我們去那裏做什麽? 有什麽玩?"我說: "去走走看看囉, 看看漁村呀."
囝囝: "嗄, 有什麽好看?"

九月香港行 - 中秋節晚餐

拖了一個月, 終於的起心肝寫番九月香港行了.

03.09.11
坐9.30am機, 大人都未瞓醒, 但兩個囝囝就精力充沛. 


兩兄弟拖住手, 頭貼頭讀安全指引, so sweet!

旋風訪港(3）15-16 May 2011

返香港第三日，即上星期六，全日留來買嘢。

一早和媽咪同細妹去花園街行，主要買玩具和衫給囝囝們。

午餐就去附近的太興燒味食， 叫了一個八寶飯，好多料好誇張。

旋風訪港(2) 14 May 2011

今次返香港主要藉口係要換passport, 網上申請, 但要返香港領.  係, 係藉口, 咪點可以丟低囝囝哋自己返呢?

至於主要目的, 梗係食嘢買嘢, 仲有陪媽咪啦.  我今次真係全天候廿四小時陪住佢架(除咗上星期五, 因為媽咪要湊細妹對仔女, 咁我就約朋友出街囉), 就算間屋有三間房, 我都係要同佢孖鋪.

返去前一星期, 我打電話返香港book位請媽咪去JW Marriott五樓的Marriott Cafe食buffet lunch補祝母親節. 

上星期六朝早去灣仔攞passport, 跟住就同媽咪去Pacific Place行街等十二點上JW食飯.  一早去到Pacific Place, 冇乜人, 我哋逐間入去睇衫試衫, 媽咪同我一齊入試身室, 邊試邊影相, 好開心啊! 

一到十二點就上去Marriott Cafe, 幫媽咪影張相.  媽咪拎住個小紙袋係我當日戰利品, 我好忍得手, 買咗一件tee咋.

好多好多嘢食, 每人盛惠HK$385但都滿座哩.

旋風訪港(1）13 May 2011

噚晚由香港返嚟，話咁快旋風式訪港旅程就完結了。

上星期四晚到港，星期五就約了朋友去數碼港的艾美酒店食buffet lunch.  坐成個鐘巴士先到，揀嗰度並非因為嘢食特別好味，只為方便在那裹返工的朋友。

餐廳不大但有兩面窗，所以好光猛，枱之間距離亦啱啱好， 坐得好舒服。

食物選擇唔算多，但望落都好新鮮。

回港

前個星期為了爸爸的事返港, 美國的妹妹一家也回, 所以家裏很熱鬧, 可惜來不及跟爸爸影全家福.

無論怎樣, 一家人聚一起還是開心的.

爸爸有三個女一個仔, 三個女兒都嫁到不同地方, 我嫁來了新加坡, 二妹嫁去美國, 只有三妹留在香港.  剛好我們每人生了兩個, 年齡還很接近, 由三歲到七歲, 全部可以一齊玩.  當年我媽媽在六個月內飛三個地方幫我們坐月.

三個星期沒見, 媽媽足足瘦了一圈, 看了很心痛. 

要影一張六個小朋友的相難度極高, 這已是最好的一張.

我和二妹的囝囝都不會廣東話, 所以全部小朋友都用英語溝通, 連我媽媽都要講英文.  我常對媽媽說:好彩你識英文, 如果唔係你啲孫仔全部吱哩咕嚕都唔知點算. 

一家人圍在一齊吃火煱, 很熱鬧, 很開心.  很多年沒在港打邊爐了, 食物款式比這裏的多很多, 肥牛正, 豬頸肉勁爽, 炸魚皮卜卜脆, 生蝦真的生蝦咁跳, 吃得很滿足.

兩隻馬騮玩得很瘋. 他們都屬馬騮, 只差三個月出生.

最小的兩個喜歡一起玩.

一起爬

最大的三個男生也是整天在一起玩, 一起畫畫, 一起搗亂.  幾年前他們還小時, 在一起就會打架爭東西, 現在長大了, 懂得分享就相處融洽.

不知道幾時才會在聚在一起, 三個地方的人要約同一個時間聚在同一個地方真的不容易.

每次返港都要帶些自家出品來孝敬媽媽, 今次就焗了一大罐的腰果酥, 還有兩底蘿蔔糕和芋頭糕.