你哋唔駛去揾眼鏡, 唔係你哋眼矇, 窗外真係咁樣, 我覺得好似落緊雪.
好鄰居印尼又開始燒森林, 攪到新馬都煙霧迷漫, 噚日傍晚psi超過去100, 逹不健康水平. 我眼睛喉嚨都覺得好乾, 兩個囝囝啲濕疹又發作, 細佬不停地R, 係咁嗌itchy.
今朝聽電台新聞, 有個印尼高官回應話: "我哋印尼一年供應你哋咁多氧氣又唔見你哋嘈, 家陣俾你哋幾日二氧化碳你哋就咁多complaint".
咁都得, 佢噏晒啦!
香港有鮎魚, 呢邊就有煙霧 (haze), 希望鮎魚快啲游走, 煙霧又快啲俾風和雨沖走.
飛越迷霧, 把生命看清楚...
個風吹唔到香港 不過其他國家都傷亡慘重
ReplyDelete[版主回覆10/25/2010 11:20:00]要為其他國家啲人祈禱
我最近兩日咳個不停呀, 對眼又好澰浹, 好辛苦呢!
ReplyDelete卵地鄰近D國家真係一蚧不如一蚧!
[版主回覆10/26/2010 11:12:00]"澰浹"點讀呀? 好彩呢幾日落雨, 都冇乜煙嘞.
我唔明你地個好鄰居年年都係咁個喎!
ReplyDelete[版主回覆10/26/2010 11:14:00]當地人係用咁既方法嚟開墾土地用來耕種, 一把火燒一大片樹林, 係最便宜的方法.
我又係濕疹發作呀勁itchy..我呢幾日都腍,如果旅客唔知發生咩事,來SG玩,佢一定會覺得SG好污濁,我連對面樓都睇唔清.
ReplyDelete[版主回覆10/26/2010 15:09:00]呢兩日落吓雨, 囝囝啲濕疹都好番啲啦.
其實..我想問..點解要燒森林 ??
ReplyDelete[版主回覆10/30/2010 20:46:00]當地人係用咁既方法嚟開墾土地用來耕種, 一把火燒一大片樹林, 係最便宜的方法.