响網識咗咁耐, 終於見到盧山真面目. 原來無敵咁靚女喎, 唔怪得明哥一見到我哋就話係咪都係美女廚房啦. 阿明哥指既美女廚房咪無敵囉, 我哋係師奶廚房啫.
多謝愛美麗的安排, 訂了在North Bridge Road的Chili Padi Nonya Restaurant食娘惹自助餐.
娘惹色彩的裝飾.
我哋到時只有另外兩個客人, 仲早, 啲嘢食仲未揭開. 有咖哩阿參魚 (curry assam fish), 娘惹雜菜 (Sayur Lodeh), 炆雞(ayam buah keluak) 和豆醬炆豬肉 (babi ponteh).
Nonya rojak (娘惹沙律), 芋頭糕和水粿(chwee kuah).
各式娘惹糕點.
Penang Laksa, 完全食唔到魚味, 好懷念响檳城食過的.
咖哩麵
胡椒豬肚湯, 夠晒濃, 成晚最啱我胃口就係佢.
Rojak, 要自己撈的, 白痴的我要Mommy教我.
順時針: 娘惹雜菜 (Sayur Lodeh), 炆雞(ayam buah keluak) 和炆豬肉 (babi ponteh).
娘惹菜其實係混合華人和馬拉人的煮食方法, 通常用上大量香料, 煮法亦幾繁複.
想知道咩叫娘惹, 請按此.
成晚我哋四個女人雞啄唔斷, 可憐明哥俾我哋悶親. 不過明哥好體貼, 仲帮我哋拎嘢食.
Mommy 貼心的為我們預備了麵包, 之前見AA和MM猛讚呢款包, 原來真係超級好味. 拎到時包包還是熱的, 在愛美麗和無敵未到前我已經忍唔住食咗三分一個.
呢次聚會我完全儍更更, 全由愛美麗和Mommy 去聯絡去張羅, 好在Mommy俾機會我稍盡綿力, 讓我帮佢將啲包包放入袋裏面.
無敵還給我們預備了禮物哩, 好唔好意思, 我乜準備都冇. 無敵, 多謝你的禮物.
囝囝們見到有禮物就鬼咁開心.
好靚的爐蓆呀.
相信是無敵自己裝飾的打火機, 好靚好有心思啊.
No comments:
Post a Comment