呢碟係姐姐上星期日晚煮的, 參考方太的食譜, 好好好好食. 兩個囝囝爭住食.
姐姐趁我帶大仔去上游水堂時慢慢煮的, 好好心機煮到個汁夠杰, 連啲薑絲都索晒蜜糖味. 可惜煮得咁少, 我都係分到一條咋.
姐姐話啲排骨好貴喎, 所以只煮半包, 真係好慳唔慳.
其實我自己都煮過, 不過我趕時間, 就變咗下面呢碟水潦潦既version嘞, 味道同上面嗰碟差唔多, 只係少咗啲香味啫.
點解我話"參考"方太的食譜呢? 因為佢個食譜係用好多蜜糖的, 我大量減蜜糖份量都己經夠晒甜, 如果照足原食譜, 我諗會甜到食唔落.
最重要仔仔鍾意同食多碗飯 。。。夠晒甜係好重要, 仔仔鍾意妳心都甜麻
ReplyDelete[版主回覆10/12/2010 14:21:00]至弊佢哋淨係食啲肉, 唔扒飯呢.
你同媽媽既蜜糖排骨各有特色,兩個睇落都好yummy呀!!
ReplyDelete[版主回覆10/12/2010 17:07:00]媽咪既望落有鑊氣好多, 呢味嘢好在唔駛先炸排骨, 啱怕油煙的我.
好索
ReplyDelete[版主回覆10/12/2010 17:07:00]又真係幾靚仔既.
嘻嘻..以前的食譜我都係用作參考...尤其有糖份的食譜.
ReplyDelete[版主回覆10/14/2010 09:18:00]你都係怕甜架? 我永遠會減糖的.
好似東坡肉喎! 呵呵! 兩碗飯呀! 唔該!
ReplyDelete[版主回覆10/14/2010 09:19:00]好吖, 唔駛客氣!