初三小組團拜

初三小組來我家團拜, 其實就是聚餐.

因為是星期六, 又是初三, 很多組員都要陪家人食飯拜年等, 於是今年很少人來我家, 只有五大三小, 加上我們一家四口才七大五小. 

人少我也煮少一點, 不想有剩菜了. 簡單的六餸一湯, 白飯任裝.

小組2014年終聚餐

2014年的小組年終聚餐安排在12月27日在我家舉行, 本來打算我一個人煮, 但Daddy說pot luck較好, 不想我太累.

於是叫每家庭帶一樣食物來分享.  因為聖誕剛過, 我想這餐以西餐為主.

我預備了兩樣前菜, 上兩層是deviled eggs, 下層是parma ham with melon.  Deviled eggs 大受歡迎, 大人小朋友都喜歡, 囝囝們還叫我要再做. 反而param ham少人問津, 好奇怪.  大部份人居然不知道那是什麽, "是smoked salmon 嗎?" "嗄, 什麽是parma ham?". 

Daddy朋友聚餐

星期六除了有哥哥的生日party, 晚上有Daddy的一班朋友來吃飯.

一個星期前, Daddy問可以請朋友來吃飯嗎. 已經要攪生日party, 我當然有點不願意.  但作為賢妻, 不好直接拒絶, 於是用了一招以退為進, 用有點勉強的語氣說OK.  Daddy回:"還是不要啦, 怕你太趕, 會發脾氣."  哈哈, 以退為進似乎有用.

但一日後, Daddy開了一個whatsapp group請他朋友來.  不是說不要請了嗎?!

星期六一早送細佬去興趣班, 買餸, 煮午餐, 接着煮晚餐, 忙完一日, 企到腳軟. 

那晚來的朋友我都認識但不熟, 所以不知道他們的口味.  菜式全部以可以先預備, 部份用焗爐, 臨時要煮也是簡單的煮法, 就不怕開飯前手忙腳亂.

這餐八個大人四個小朋友. 請客我最愛煮炆牛腩, 好味又可以預先煮. 今次煮了印尼咖喱牛腩(beef rendang), 客人們大讚. 今次的相影得不好, 放一張上次煮的.  這次煮的較大鍋, 用了1.2kg 牛腩.

詩班聚餐

昨天是馬來人的節期(好像是新年吧), 有一日公眾假期.

一天的公眾假期節目排到滿滿,朝早要去朋友的教會婚禮, 晚上詩班來我家聚餐.

因為哥哥今日要測中文, 所以昨天的晚餐煮得較簡單.  午餐後炆好牛腩和預備拍黃瓜, 開飯前個幾鐘開始焗叉燒和雞翼, 人差不多到齊才煮蔬菜和帶子, 中間還時間幫囝囝温習.

六點半開飯, 總共十四個大人兩個小朋友, 餸菜份量剛剛好, 幾乎全清.

雞脾菇扒西生菜

 照燒帶子

 炒雜菜

 魚露雞翼, 這只是幾中一碟.  還有酸柑和自製辣椒醬配雞翼食.

 拍黃瓜

印尼咖喱牛肉(beef rendang), 只煮了一斤牛腩, 全部食物中清得最快是這道, 連細佬也不怕辣照食.

 叉燒, 今次有點失色.  最近的焗爐有點怪, 同一樣的温度, 同一樣的醃料, 同一樣時間, 有時外層會很燶, 有時又不夠色. 

 柱候蘿蔔牛腩

吃飽後玩了幾個遊戲就開始jam歌, 超好玩.  細佬也獨唱了三首歌呢. 好久沒和朋友們jam 歌了, 這晚過足歌瘾!

玩得太盡興了,  躺在床上腦裏面還想着那些歌, 很晚才睡着, 今日好攰好攰呀!

初三小組聚餐

初三踫巧是星期日, 大清早起來到教會去. 囝囝們最開心了, 因為收到好多利是, 當然我也派了不少啦.

那天晚上生命小組來我家聚餐, 今次由我一個人負責, 因為其他人要去團拜.另外兩個姐妹本來也會帶食物來, 但臨時有幾個組員病了不能來, 我看人不算多, 我預備的應該夠吃了, 所以叫她們不用帶來了.

十一個大人五個小孩, 吃完午餐後開始慢慢的準備, 很輕鬆的就攪定晚餐了.

沒買現成的魚生, 只是自己簡單的刨些紅蘿蔔絲和青瓜絲, 加上煙三文魚, 配上自製的油醋蜜糖芥末汁就是健康版的撈魚生了. 

2013除夕聚餐

今年除夕教會小組的團員來我家聚餐, 一共二十幾個人, 家裏好熱鬧啊!

這次是pot luck形式, 每個家庭/成員帶一樣食物來分享. 

小朋友有自己的一圍, 哥哥是當中最大的, 那晚食完飯就帶住全部小朋友玩轉他的房間, 在床上跳來跳去, 看來他們的床褥遲早要換新的了.

大人們就邊食邊聊, 分享2014年的事奉挑戰和代禱事項.

看看那晚吃什麼.

韓國辣炒年糕, 加了魚餅和鵪鶉蛋, 甜甜辣辣, 很開胃.

聖誕大餐2013

祝新年快樂!

這兩個星期在清假, 原以為可以把舊blog搬好, 可以整理衣櫃, 可以去前頭髪, 可以每天寫blog, 可以陪囝囝們玩, 可以教他們樂理, 可以試新食譜, 可以整蛋糕, 可以...., 至少可以在家裏hea...

沒想到放假比上班更忙, 連上網的時間都沒有.  因為Daddy也在清假, 他放假是不願呆在家裏的, 非要出門不可. 就算不出門, 電腦也給他佔用了, 我連踫的機會都沒有.

今天上半天班, 就快點出一篇 (噓, 別讓老板知道), 免得這裏生草.

25.12.2013

香港行還沒寫完, 但先出聖誕大餐吧. 今年請了三個學生(其中一個已經畢業開始工作了)來我們家, 其中兩個還帶來男朋友, 所以加上我們一家四口, 總共九人.  姐姐那天放假, 我一個人煮, 所以前一天就寫好時間表, 準備很有條理的去煮.  但一雙手要切要洗要煮,就算有時間表, 最後也是客人來了還沒煮好.

今年的菜單:
湯
Cream of tomato soup served with garlic bread
前菜
Prawn, avocado and mango salad
Tomato and mozzarella on a bed of rockets with balsamic vinegar sauce
主菜
Roast beef served with steamed broccoli and cauliflowers
Orange roast duck served with roast potatoes and honey roast parsnips and pumpkin
Fusilli aglio e olio with bacon and mushrooms
甜品
Minced pies and traditional Christmas pudding

這道蝦, 牛油果, 芒果沙律, 配上青檸蜜糖汁, 顏色賞心悅目外, 味道也一流啊!

Deepavali 聚餐

昨天是印度同胞的屠妖節(Deepavali), 帶挈我們有一天公眾假期.今年教會小組去了戴傳道家裏pot luck午餐, 大家又食又傾, 過了很開心的一天.  睇番一年前的blog, 原來上年Deepavali小組來我家housewarming, 這麽快又一年.雖說是pot luck, 但大部份食物都由戴傳道預備.  真感謝傳道為我們煮的愛心食物.這碟簡直是女人恩物, 冬菇炆花膠海參, 勁足料, 還加了大量江瑤柱, 勁膠勁好味, 食完覺得皮膚光滑些.

勞動節補假聚餐

上星期二小組聚會時, 有人提議五月二日公眾假期趁大家不用上班到我家搞個輕鬆的聚餐, pot luck 形式, 在場的組員都一致讚成.

既然是來我家, 我就要預先計劃. 但組長一直音訊全無, 那到底有沒有聚餐呢? 終於星期五晚組長email說反應久佳, 要取消, 所以星期六我就不用去忙買材料.

到星期日崇拜完後, 副組長和幾個組員來問星期一是不是來我家. 不是取消嗎?  原來組長還沒通知他們.  知道要取消, 他們都好像很失望.  那好吧, 就算是幾個人也是ok的, 就對他們說: "好吧, 你們照樣來, 我家有什麼就食什麽好了."  再聊下去, 其中兩個女的說不如我教她們做菠蘿包, 好, 也沒問題. 

說是有什麼吃什麼, 但家裏的存貨也大概不夠十二個大人四個小孩，就skip主日學(是的, 我逃課 ) 去買食物.

朋友說她最想食蛋糕, 所以練完詩回家就開始整蛋糕.  不想特別去買材料, 就做以前做過的hazelnut crunchy green tea mousse cake. 有了上次的經驗, 這次很成功, 也很快就做好.  夜晚塗上鏡面, 第二日人客到才脫模, 隨手放上兩片以前做得不好存在雪櫃的朱古力裝飾, 大功告成.

Po Po 到@Mommy Dearest

上星期網友Po Po來呢邊玩, 星期六Mommy Dearest就為她搞了一個聚餐, 給我們平常在blog裏交流但從未見過真人的網友們見面.

有MD在當然又有美食, 多謝佢為我哋花心思預備食物. 

終於食到MD的招牌燒雞翼, 怪不得有人由香港訂貨啦, 真的好好味, 好味到大家都顧不得儀態, 盡情地吮手指.  我總共食了三隻, 如果唔係怕肥, 我會繼續食哩.

我的第二至愛就係呢盆pasta, 清清哋但好好味.  細佬食到津津有味.

Christmas dinner @ Mommy Dearest

多謝Mommy請我哋去佢屋企食Christmas dinner, 期待咗成個星期哩。

本來要帶埋兩個囝囝一齊去，咁囝囝們就可以同兩個靚姨姨AA和Mei Mei玩。可惜佢哋腸胃仲未完全好，唯有撇低佢哋喺屋企，我同Daddy自已去。

上年見到Mommy的聖誕火雞和火腿已經流晒口水，今年終於食到喇。Yeah!

呢隻係史上最強的燒火雞，皮脆肉滑勁juciy仲有炭燒香味，係我食過最好食的火雞。如果我冇見到隻火雞，我會以為自已食緊雞肉, 真係好好好好好好食架.  Mommy, 你下年再請我食過, 可以嗎?  我整唔到呢個standard.

Housewarming dinner on Deepavali (5/11/2011)

上星期五除了housewarming lunch, 仲有個housewarming dinner.  一日兩輪, 攰到趴喺度.

事緣上星期一至三我公司有啲大粒佬由外國嚟開會, 攪到我成個星期都忙到氹氹轉.  其中一個大粒佬前個星期未到前突然話會留多兩日, 想同我組傾多啲喎.  我老闆响星期二晚就飛去英國, 就一聲唔該叫我自己攪掂.  星期五公眾假期喎, 個大粒佬仲要坐晚機, 咁點算?  於是咪請佢嚟個housewarming party囉, 但佢話因為坐晚機, 所以希望食晚飯, 但教會小組係lunch, 咁就焗住我要整多個dinner, 跟住臨時揾幾個同事嚟湊人數.

個lunch兩點度散band, 休息一陣, 就開始整蛋糕做甜品.  請鬼佬食飯, 點都要有個飯後甜品既.

五點左右開始焗叉燒同燒肉, 五點五十五分用最快速度沖個涼, 換番條見得人既裙, 啱啱由沖涼房出嚟人客就到.

先來mango salsa and tortilla chips 做appetizer.

Housewarming lunch on Deepavali (5/11/2011)

上星期五係新加坡公眾假期, 叫Deepavali, 係印度同胞的屠妖節.

請了教會小組來我家housewarming.

本來組長問我幾時得閒時, 我以為是平時的家庭小組聚會, 通常只有三至四個家庭, 隨便預備少少食物就搞掂.  點知組長email出嚟居然係邀請成個小組, 仲變咗我新居的housewarming, 最後總共有33人.

因為要遷就小朋友, 聚會在朝早11點半開始.  只有我和姐姐兩對手, 晨早流流又邊煮到咁多人既嘢食, 所以星期日就開始準備, 整了上一篇寫的三十六個菠蘿包.  星期二晚整燻蹄, 星期三晚整醉雞, 星期四晚炆牛腩牛肚, 切青瓜和預備雞絲.  上個星期日間响公司忙到屎, 返到屋企又不停咁煮.

醉雞

柱候蘿蔔牛腩牛肚

Gathering @ 何老太 Apr 2010

多謝各blog友的關心慰問, 我已經好少少. 

呢幾日都瞓唔好, 變咗隻熊貓. 

星期六去了何老太家gathering, 多得早安夫人和Hanrik做攪手, 廿幾個人出席, 非常熱鬧.

Blogger gathering (2)

飯後有超香甜的有機芒果, Daddy & Mommy Dearest 自家種的哩!

你拮我拮, 好快就沽清.  囝囝响屋裏面玩wii, 出到嚟淨係食到西瓜, 見到啲相時話乜嗰日有芒果咩?

Blogger gathering (1)

星期六好榮幸受邀到Mommy Dearest屋企參加一個blog友聚會. 

I was so happy to meet Mommy Dearest, Daddy Dearest, Babe and Sonny in person at last.  响blog 度成日見到佢哋啲相, 第一次見面都唔覺陌生, 感覺好似識咗好耐咁添.

亦好高興識到好多blog 友, 好似愛美麗, Hanrik, Joanne, Natalie, Mr & Mrs Yeung Yeung.  唔好意思我唔係好記得每個人既名.  我記名係好差架, 如有錯漏請見諒.  世界真細小, Mr and Mrs Yeung Yeung 和我同我老公大學時都係讀同一科喎, 只係唔同大學啫.

今次出乎意料, 老公居然答應陪我去, 開心C我啦.  今次只帶大仔去, 第一次去人哋屋企, 費事細佬去到搞搞震.

Mommy Dearest 預備咗好多食物呀, 真係好佩服佢一個人整到咁多嘢, 仲咁有條理, 完全冇stressed既感覺, 俾着我就會打瀉籮蟹咁嘞.

Appetizer 有nachos with homemade avogado dip and salsa dip.  牛油果係响美國定加拿大拎番嚟, 特別creamy.  個salsa都好好味, 囝囝食到唔停口.  啱啱發覺原來冇影碟nachos.

跟住見到兩籃面包, 嘩, 正呀, 仲靚過外面賣嗰啲!  Foccacia roll, 好好好好味!!! 點解我跟同一食譜整但味道差咁遠呢?

Happy New Year!

Happy New Year!  新年蒙恩!

今日小組新年聚會, 以 pot luck 形式.

有d組員因臨時唔得閒, 冇時間煮, 於是最後食物比原定少.

有咖哩雞, 磨菇煙肉批, 忌廉焗薯片, 椒鹽雞, 滷牛肉, 釀豆腐湯.  椒鹽雞好正, 好入味, 大仔食好多.