HK trip Sep 2010 (3)

九月十三日

之前一日已經和家人慶祝了, 正日就約了朋友食晚飯.

不過當日最好味的, 亦是最正的生日飯是我爸爸煮的即食麵.

朝早遲起身遲食早餐, 所以午餐唔想食多, 只想食即食麵. 

要煮的時候, 爸爸"搶"住要帮我煮, 還加了幾片生菜, 那碗麵煮得啱啱好, 啱啱熟又彈牙.  呢碗麵令我好感動, 爸爸身體唔好都堅持煮俾我食, 諗起我都會眼濕濕.

晚飯在元郎的一間茶樓食, 三個小菜, 好味夠鑊氣.  兩個人三個餸加一支啤酒, 唔駛食飯.

咕嚕肉, 蜜糖豆炒雙蚌, 西芹牛柳粒.

九月十四日, 唯一shopping的一日, 不過下晝都返屋企陪爸爸媽媽去食下午茶, 又去屋企對面間一品食.  下午茶好抵食呀, 酥皮蛋撻一蚊個, 一人一個蛋撻, 再叫一碗乳鴿米線和一碗燒鵝米線, 加埋茶芥五十蚊找數.

九月十五日, 下晝坐三點幾機返新加坡, 朝早就陪爸爸去睇牙醫, 跟住因為我未食早餐, 爸爸就陪我去茶餐廳食早餐, 好味好味, 有爸爸陪啲嘢食仲更好食.

返香港唔整吓嘢俾屋企人試點得呢?  今次唔整蛋糕甜品, 整酵素.  既然酵素對身體有益, 當然要介紹俾屋企人啦.  教了媽咪和細妹整, 呢樽用咗雪梨和橙.

啱啱整好幾個鐘後

兩日後, 即我臨走前.

上個星期媽咪已經收成嘞, 佢好醒呀, 隔咗出嚟啲生果佢用來整jam搽麵包.  不過佢話酵素太甜, 佢飲咗喉嚨唔舒服, 所以只有我爸爸飲.

細妹話要整檸檬酵素, 因為可以減肥, 不過唔知最尾有冇整到.