只整了下面呢兩個腸仔芝士包就冇再用過, 因為囝囝話唔鐘意食啲芝士喎.
為了在包芝士變壞之前消化佢, 幾個星期前的星期六早上就決定試吓整pizza. 家裏有好幾個pizza底的食譜, 最後決定跟一本好舊的BBC Good Food magazine裏的食譜.
個食譜係一個意大利廚師寫的, 所以諗住實掂.
個食譜有啲似老麵或中種做法, 要先整個麵種的. 要用500g麵粉, 食譜話要搓到麵糰表面滑到好似BB pat pat 咁喎. 500g 粉搓到手都軟, 都唔覺得有BB pat pat 咁滑, 但已經無力繼續.
因為是即興的, 所以要挖雪柜揾料放上pizza 面, 結果放了煙肉, 腸仔, 鮮蘑菇和車厘茄, 還有自製的番茄醬.
出嚟個pizza係厚底的, 都幾ok, 只係咸咗啲. 個食譜用1 湯匙鹽, 我諗減半都可以. 上面啲料都好味, 個人覺得再多啲芝士仲好味. 不過囝囝已經嫌芝士太多, Daddy就嫌太多番茄醬. 唉, 我家老爺少爺都咁難服侍.
雖然嫌三嫌四, 兩個囝囝都仲食得好開心.
我下次要整薄底的, 我唔想再咁揾自己笨去搓餐死.
唔知幾時再有下次呢? 我一邊整, Daddy好抵死咁話"do we need to call for pizza delivery?"
一湯匙大約15g鹽, 好多喎.......
ReplyDelete[版主回覆10/15/2010 13:28:00]我落時都覺得多, 不過第一次整咪照食譜做囉, 下次會落少啲.
pizza整得好好味咁喎,好多料呀...
ReplyDelete[版主回覆10/15/2010 13:29:00]味道尚可啦, 但賣相就唔掂嘞.
I think it is time for you to buy a KA
ReplyDelete[版主回覆10/15/2010 13:29:00]I don't harbour any hope for that anymore.
哈哈...老爺真識講笑...我星期日都整咗過超薄脆底..就是唔想搓, 同埋自己整又平又好味..又可以清下個雪櫃的餸..正..
ReplyDelete[版主回覆10/15/2010 13:30:00]老爺都係鐘意食薄脆底多啲, 我下次會試整, 自己整肯定平過外面好多.
鹽不雖放太多, 因為料已經有味, 所以我只係放小小,
ReplyDelete第一次整, 已經算唔錯, pizza 最好, 老少咸宜. 一定食哂!
[版主回覆10/15/2010 13:32:00]我都冇諗咁多, 星期六朝早都未瞓醒, 食譜點寫我就照跟囉, 下次會放少啲. 我覺得呢個pizza好鬼醜樣.
個pizza咁都叫做唔靚呀? 我覺得好靚呀. 屋企入面呢個又咁個個又咁樣, 好難服侍, 辛苦您啦.
ReplyDelete[版主回覆10/18/2010 13:56:00]我只係show好睇部份嘛. 係咯, 啲老爺少爺一個二個都咁難待候.
整得咁辛苦，好彩有小fans捧場！
ReplyDelete[版主回覆10/18/2010 13:57:00]呢兩個小fans通常都會捧場既, 咁啲嘢食我通常都係為佢哋而整既.
你個pizza既料多到爆哂出黎...好想咬啖呀!!!
ReplyDelete[版主回覆10/18/2010 13:58:00]唔多啲料邊討好到我屋企啲奄尖怪吖.