我鐘意鱗骨, 食雞唔食已去皮去骨既, 豬皮, 魚皮, 排骨, 雞腳, 豬腳, 我都愛
Daddy唔識鱗骨, 食魚一定要去骨, 見到蒸排骨, 蒸雞件都會皺眉頭, 雞腳, 豬手, 魚皮, 豬皮全都唔食.
偏偏兩個囝囝同姐姐口味都同我近似, 於是每次Daddy出國, 我哋就急急去偷食, 雪柜就仲會出現一堆違禁品.
偷食菜式包括豉油雞腳, 炆五花腩, 原隻豉油雞, 炆豬手, 等等.
上星期就煮了炆豬手, 只簡單用了豉油, 糖來炆, 姐姐煮得啱啱好, 唔會爛, 仲有少少煙韌. 支老抽唔係用開個牌子, 偏甜, 落多了又會有少少苦, 所以落好少, 顏色就咁淡囉. 但味道超好味. 今次隻豬手仲好瘦添, 食完都唔驚肥.
No comments:
Post a Comment