嘩, 平過平時普通麵粉成倍, 師奶的我當然要買啦, 即時放三包在籃裏.
好彩諗諗吓check吓expiry date, 原來十一月中到期, 怪不得做特價啦. 三包一定用唔晒, 買一包試吓先. 撿到便宜貨, 滿心歡喜地回家去.
第二日整麵包, 一倒出嚟, 點解好似wholemeal咁既. 再望吓包裝上面, 法文, 一個字都唔識, 後面有張細細張既sticker, 上面寫住"semi-complete flour", 裏面有rye flour, oat, wheat germ... 唉, 貪平啦, 買嘢唔睇清楚.
啲粉望落好粗吓, 唯有和普通高粉混合用.
出嚟面包口感比較粗糙, 麵包面唔似平時啲咁平滑. 黑色粒粒係poppy seeds.
兩個囝囝最鐘意擺pose用我啲包包影相.
整包時呢隻粉只可以用上三分一總粉份量, 另外三分二要加普通白高筋粉. 試過一半一半, 結果啲包粗都我都唔想食.
唔知原價幾錢呢? 不過我諗我唔會再買, 我寧願自己加小麦胚芽好過.
No comments:
Post a Comment