其實我一點都不生氣，晚餐更食得很開懷哩。
因為他不回家吃飯時，姐姐就會特別有推動力去煮。
平常不能煮的，她可以趁機煮。她可以煮辣的，煮有骨的餸菜。
今天晚餐她試新食譜，煮了香檳排骨。 排骨要用牛油煎香再加香檳和調味來炆。我不會這麽豪氣開香檳來煮，所以姐姐用了紹興酒來代替，一樣很香很好吃。
第二道菜是辣椒江魚仔炒印尼黃豆餅，夠辣夠香口，食得好過癮!
印尼黃豆餅我之前介紹過，是很經濟但有營養的食材。這菜的做法以前寫過了，只是今次加了炸過的江魚仔。
第三道菜是簡單的蜆芥扒小棠菜，姐姐加了急凍蜆肉勾芡淋面。
放工回家有熱騰騰的晚餐等着我，感覺很幸福。 所以我常常為了有個能幹的姐姐來感恩哩。
今晚又辣又有排骨，如果Daddy在家，大概要清菜配白飯吃了。
香檳排骨..好高貴, 辣野啱晒, 不過黃豆餅, 真係想像唔到?
ReplyDelete[版主回覆03/31/2011 19:15:00]哈哈，我既係假香檳排骨，應該叫紹酒排骨。黃豆餅真係唔錯架，有益架。
想像緊那味香檳排骨， 如果用香檳酒煮， 味道可能有點fruity。 我都想試試。
ReplyDelete[版主回覆03/31/2011 19:16:00]咁你試咗話我知啦，我呢邊酒貴呀，我買嚟飲好過嘞。
有個幫得手又會煮既姐姐,真係好難得架!!!個香賓骨好吸引呀!黃豆餅我都好like架!!
ReplyDelete[版主回覆03/31/2011 19:17:00]真係好難得架，以後佢唔做我就慘囉，希望神到時為我安排個一樣咁好架啦。
有個好姐姐幫手真難得, 看來你們頗夾得來呢﹗看來她手勢也不錯。
ReplyDelete[版主回覆03/31/2011 19:18:00]我同佢口味夾亦好好傾架，好似朋友咁成日傾計。她學嘢好快，我煮一次佢就知道我要咩味道。
我鍾意食黃豆餅, 又試下咁煮法先~
ReplyDelete[版主回覆03/31/2011 19:19:00]好惹味架，用嚟送粥會一流。噚晚食剩的啱啱翻熱食都仲係咁正。
你的小朋友可以吃辣嗎? 我有些衝動想訓練呀囡食辣呀, 哈哈!
ReplyDelete[版主回覆03/31/2011 19:21:00]佢哋仲未食到，所以呢餐佢哋只係一肉一菜，不過大仔就試咗少少黃豆餅，話辣但都仲接受到。你囡囡三年班都可以開始俾佢試食少少既。
好豐富呀, 有個咁識煮既 {工人姐姐} 真係好難得呀
ReplyDelete[版主回覆03/31/2011 19:24:00]真係好難得架，以後佢唔做我就慘囉，希望神到時為我安排個一樣咁好架啦。
你個姐姐想唔想搬嚟德國...
ReplyDelete[版主回覆04/01/2011 09:20:00]佢話約滿唔做返鄉下呀!
你個姐姐好叻呀,煮既菜好了得
ReplyDelete[版主回覆04/04/2011 09:05:00]因為佢同我一樣咁為食嘛, 為食既人通常都有興趣煮嘢食.
Daddy不回家食飯> 你個姐姐等咗呢日好耐.
ReplyDelete[版主回覆04/04/2011 09:06:00]佢真係好興奮架, 即刻摷食譜書試新嘢.