蘆筍炒帶子, 樣子夠吸引吧? 帶子從街市買的, S$5/kg, 連殼的, 要自己慢慢去清潔. 買了兩公斤, 全部去殼洗淨存到冰箱去. 滿懷期待的煮這道菜, 可惜帶子原來不太鮮甜, 白費一番功夫.
清蒸黃鱲鯧, 很新鮮. 囝囝們最愛食魚, 特別是油份豐富的, 所以這魚就最啱.
雪菜燴腐竹粉絲, 太好味了, 一個星期前煮過又要安哥. 今次多放了粉絲, 肯定夠吃. 這粉絲我媽媽在香港時買給我的, 很爽口, 煮完仍然彈牙, 吃剩了留第二日依然沒變糊.
第四道菜是清炒小白菜, 上圖左上角看到了.
湯是前一日剩下的蕃茄牛展湯. 這餐用了半小時搞定(不包洗菜時間), 非常有效率.
大佬明天要測數學, 依家要去陪太子讀書了.
你幾人食飯呀? 要咁多?
ReplyDelete[版主回覆03/25/2011 15:59:00]三個大人兩個細路, 其實每碟份量都唔大, 所以四餸囉. 係weekend 我先會煮咁多啫, 平日姐姐煮就最多都係三餸一湯.
日日諗四餸一湯都幾頭痕..雪菜燴腐竹粉絲係點煮...可以教我嗎?..咁你媽媽係買咩牌子?? 可以介紹嗎..我個小朋友好鐘意食粉絲架..我想試下煮.. 成日聽人講....粉絲好似好難消化..你二個仔仔可以食嗎?
ReplyDelete[版主回覆03/25/2011 16:02:00]諗煮乜餸真係好難架, 好彩我淨係weekend先要諗啫, 平時係姐姐自己攪掂的. 雪菜燴腐竹粉絲個做法我遲啲先加, 好簡單咋.
粉絲係散裝架, 我諗媽咪應該喺啲雜貨舖買, 佢話爽唔爽好多時都係撞彩架. 我都聽人咁講, 但我哋唔係當飯食應該冇問題既, 我兩個囝囝梗係有食啦, 都不知幾鐘意呀.
碟豆腐蒸魚好正呀,我都好鐘意咁食,有時再加冬茹絲... 你既粉絲係唔係龍口粉絲呀?煮多一樣唔緊要,證明你煮野好好味囉,唔駛叫都清哂!
ReplyDelete[版主回覆03/25/2011 16:05:00]嗰幾舊豆腐係我整綠茶豆腐布甸剩低, 唔三唔四咪順手放埋去一齊蒸囉. 不時如果我放豆腐既就係潮式蒸魚, 仲會加埋鹹酸菜, 鹹酸梅和冬菇.
粉絲係散裝架, 我諗媽咪應該喺啲雜貨舖買, 唔知咩牌子.
自從好耐之前大陸粉絲有事之後, 我就無買佢啦, 只係食台灣, 日本同韓國, 依家日本又有事, 得返好少選擇, 唉!
ReplyDelete[版主回覆03/25/2011 16:06:00]我唔理得咁多啦, 唔係成日食, 爽口就算, 所以托媽咪買, 咩牌子咩來源都唔知.
雪菜燴腐竹粉絲,--->好似好簡單咁囉, 等條腰好返d, 必試~
ReplyDelete[版主回覆03/25/2011 16:07:00]休息多啲, 最緊要養番多身體先, 遲啲先再諗整嘢食.
好鐘意你個粉絲 ~ 我一個可以食半碟呀
ReplyDelete