普通戚風一個, 特別在於我第一次嘗試徒手脫模.
平時我都不想冒險嘗試, 怕整爛蛋糕. 不過今次例外, 因為我整時出了些意外, 以為戚風會失敗, 就索性用來實驗徒手脫模.
意外就是我忘了這個食譜的蛋黃糊因為加了南瓜蓉會比實杰身, 蛋白和麵粉要分次加入. 我因趕時間, 一手將所有麵粉篩入蛋黃糊中, 變成杰撻撻的一團, 之後戰戰兢兢的加入蛋白去攪拌, 沒下泡打粉, 又不敢攪太耐怕會消泡. 有心理準備個蛋糕裏面可能會有大窿窿, 哈哈, 居然出來還算ok.
這戚風很受歡迎, 因為不太甜. 同事吃過後問我拿了食譜, 說要做給她不愛甜的媽媽試試.
食譜
睇見都覺軟熟好靚仔呀
ReplyDelete[版主回覆03/24/2011 12:21:00]好濕潤好鬆軟又有南瓜香.
好勇喎, 我都唔敢試呀, 粗手粗腳, 怕整爛呀.
ReplyDelete[版主回覆03/24/2011 12:21:00]今次諗住個蛋糕衰硬嘛, 咪攞嚟實驗吓囉.
南瓜香甜
ReplyDelete[版主回覆03/24/2011 12:20:00]南瓜好正, 我好鐘意食.
徒手脫模??? 咁平時係點脫架?
ReplyDelete[版主回覆03/24/2011 12:20:00]戚風模唔可以抺油, 所以會痴住凳唔出架,平時我用刀仔劃一圈嚟脫模.
平時唔係凳佢出黎？
ReplyDelete[版主回覆03/24/2011 12:20:00]戚風模唔可以抺油, 所以會痴住凳唔出架,平時我用刀仔劃一圈嚟脫模.
Ann好叻呀..我想試下整呢個,唔知掂唔掂,好緊張呀,我昨日第一次整海綿蛋糕,脫模又係用手攞出來,乜唔係咩?正確方法係點架?
ReplyDelete[版主回覆03/24/2011 12:18:00]整戚風唔可以用不沾模, 個模亦唔好抺油, 咁啲麵糊就可以沿住個模邊向上爬, 所以先可以咁鬆. 因為冇抺油, 蛋糕焗完會痴住個模, 就要用刀仔嚟劃一圈脫模, 或者好似我今次用手慢慢咁鬆開. 海綿蛋糕就可以抺油和舖紙, 所以一倒轉就會自己跌出嚟, 但質感就冇戚風咁輕盈.
我上次用日本紙模,好粗暴對待個威風蛋糕...因為...我無睇說明...其實佢地既design好好,好容易脫模...但我賴叻,以為是旦跟住d線mit走張紙就得...仲一路mit一路心入面勁鬧個design唔掂... 好彩個蛋糕最後都無穿無爛...
ReplyDelete你呢個南瓜威風質感一睇就知好好...有機會試下整先...不過我一定會落玉桂粉...我係玉桂狂人黎架!!
[版主回覆03/24/2011 16:15:00]你喺邊度買啲紙模呀, 我見Daiso賣成兩蚊個, 唔抵, 幾乎同個蛋糕既成本咁貴喎, 我寧願去買個金屬模, 可以用完再用.
咁你試吓整啦, 一定會好好味.
我果個就係喺daiso買架囉...初頭唔想買咁多模放喺屋企嘛...不過事後都覺得自己蠢左...後來又無喺呢邊睇啱款...最後叫媽咪幫我喺二德惠買過黎...仲俾媽咪鬧,問我做咩要買個穿"lone"既模又貴...(hk$4x...因為個軸係活動既)...仲話個蛋糕穿"lone",d料又少左有咩好...blahblahblah...我真係唔知點答佢...
ReplyDelete[版主回覆03/25/2011 11:25:00]我响呢邊買架, 價錢都唔貴得過香港幾多. 你媽咪好搞笑呀, 穿窿模! 冇法啦, 响美心賣班蘭戚風前我諗香港比較少見"穿窿"蛋糕.