Po Po 到@Mommy Dearest

上星期網友Po Po來呢邊玩, 星期六Mommy Dearest就為她搞了一個聚餐, 給我們平常在blog裏交流但從未見過真人的網友們見面.

有MD在當然又有美食, 多謝佢為我哋花心思預備食物. 

終於食到MD的招牌燒雞翼, 怪不得有人由香港訂貨啦, 真的好好味, 好味到大家都顧不得儀態, 盡情地吮手指.  我總共食了三隻, 如果唔係怕肥, 我會繼續食哩.

我的第二至愛就係呢盆pasta, 清清哋但好好味.  細佬食到津津有味.

排得三就係MD招牌lasagne, 好味.

其他排名不分先後.  羅馬生菜沙律.

港式雜果沙律

燒茄子

蒜蓉包. 仲有corn muffin, 有影架, 但將相唔知去咗邊.

主角最遲到, 一落車, 我哋扮狗仔隊用好多部相機對準佢, 閃燈不停閃, Po Po對我們的熱情係咪有啲受寵若驚呢?

每次到MD家除了有好嘢食, 最大樂事就係可以和同鄉圍埋傾計.

MD為小朋友預備了熱狗腸, 囝囝們一人拎了一隻雞翼, 但雞翼有啲辣, 佢哋食唔到, 所以大佬食咗三條腸.  其實大佬一知道嗰晚Kieran冇嚟, 就已經冇晒心機.

怕嘢食唔啱細佬, 嚟之前喺屋企俾咗啲炒麵佢食嚟打底, 點知佢仲好開胃, 食咗好多Pasta.

飯後有我帶去的香蕉榛子朱古力蛋糕, 多謝大家咁捧場, 一陣就食清.  細佬都好鐘意食, 食完一舊又要再拎.

嗱, 呢張影得咁靚女, 唔好話要打格仔呀.  Po Po初時係坐喺我一家對面的, 邊食邊望住細佬笑, 簡直係"嗒晒糖"既最徍演繹.

眾美大合照, 但點解細佬有份既?

原來係Mei Mei 姨姨抱住佢.

同姨姨好friend添, 將帶去的全副家當拎出嚟俾姨姨睇.

Show完嘢執番嘢落袋後就揹起個袋仔, 自己行去門口話要番屋企嘞, 好攪笑.  就係咁唔記得俾囝囝們同遠道而來的Po Po影番張相添.