自從大仔上小學以嚟, 我就做咗陪讀媽媽啦. 放工返屋企就要督佢讀書, 攪到好唔得閒.
其實好多媽咪都要督細路讀書, 冇咩特別.
但佢每星期都會有一次中文默書和英文默書, 跟住有時又要測驗, 變相日日都要温書. 佢又有學琴, 又要逼佢練琴. 每晚食完飯先開始温 (我唔喺度佢就唔會自己温架)同練琴, 得番個零鐘, 我覺得我既壓力仲大過佢, 都唔知家陣邊個返學.
最慘就係呢邊啲小一學生學中文係先學拼音和認字, 同我哋响香港唔同呀. 我自己都未學過拼音, 仲要教佢, 真攞命!
中文默書居係默拼音! 我見到將紙都O晒嘴啦, 望住啲拼音自己都唔識讀又點讀俾佢聽叫佢默呀?
下面係上星期要默既, 你哋識唔識讀呢? 如果喺拼音旁邊寫埋個中文字就話易啲啫, 就咁拼音真係好難架嘛.
所以家陣我都同囝囝一樣努力學拼音, 但我肯定我比佢勤力.
噚晚幫佢温書時就俾呢兩個拼音考到嘞, 咁我又考吓你哋啦:
1. dié
2. déi
用網上有發音功能嘅字典之類.... 得唔得呢?
ReplyDelete[版主回覆03/03/2011 21:32:00]我諗有發音功能嘅字典都要知嗰個係乜字先入到，跟住叫個字典讀番出嚟。拼音有四聲，真係唔知點輸入等幾聲。
我淨係識第一個, die >> 死梗 其實我小學都學過普通話既,不過併音好多都唔記得哂lu...就咁講就仲ok...
ReplyDelete[版主回覆03/03/2011 21:33:00]你都叫學過吖，我個年代邊有學普通話架，我都係嚟咗呢邊先識講咋。
唔記得講...上面果D併音,我都好似識識地...唔知我啱唔啱呢?
ReplyDelete1. 愛 4.烏龜 6.耳 9.寫字 10.走路
如果我估啱哂,先啱啱合格咋....
[版主回覆03/03/2011 21:34:00]嘩好叻呀你! 我連No.6都要查字典先知咋。
哇...屎啦..我都唔識呀,點算呀? 我從未學過,真好難呀,好彩AN識啫,我立即問佢,佢話好易喎,不過我都係時候學下,大家努力,做媽媽真偉大呀
ReplyDelete[版主回覆03/04/2011 08:55:00]如果有學過既, 呢啲只係初級梗係易啦. 我哋呢啲未學過既就喊得一句句嘞. 咁以後咪留番俾你老公教囉. 不過你想學既, 可以去教育部個website學吓, 都幾好架. 我得閒就同個仔一齊入去學吓.
http://xuele.edumall.sg/xuele/slot/u107/index.html
好難呀.
ReplyDelete[版主回覆03/04/2011 08:51:00]所以你話我幾慘呀! 幫佢温習中文會嘔血架.
真難啊﹗﹗不過加油媽媽, 加油﹗支持你﹗
ReplyDelete[版主回覆03/04/2011 13:47:00]多謝支持!
呢d係普通話拼音呀? 我仲以為你講廣東話拼音添....
ReplyDelete其實學左拼音好好多架, 我個囡細個就學, 識左好好多架!
[版主回覆03/04/2011 13:50:00]普通話拼音得四聲都咁難, 廣東話拼音有九聲, 如果要學真係跳樓都唔掂呀!
咁事實學識拼音係會講得準好多既, 我都係跟佢學我最先知原來我有好多字都讀得唔正.
以前香港地教育係冇拚音, 而家D細路要學普通話, 攪到我頭都暈
ReplyDelete[版主回覆03/07/2011 17:08:00]香港小朋友都要學拼音架? 不過我諗唔會默書默拼音啩.
真係考起！而家做職業女性兼陪讀媽媽真唔簡單！
ReplyDelete[版主回覆03/07/2011 17:07:00]係呀, 好慘呀!
而家做家長真係好難呀, 細個時自己要讀書, 到而家又要幫啲仔女溫書, 最慘係同以前學既野唔同於是而家又要學多次
ReplyDelete[版主回覆03/07/2011 17:08:00]我細個時爸媽從來都唔check我功課亦都唔駛陪我温書, 家陣啲細路睇少陣都唔得. 唉!