Disney on Ice 和古早味茶點

放完一個星期term break, 兩個囝囝又要早起身番學嘞.

佢哋放一個星期假, 我有少少內疚冇請假帶佢哋去玩.  但我年頭已經用咗十日年假返香港, 家陣先三月, 啲年假都係慳住使好啲.

今次學校假期唯一的節目就係星期六去室內体育館(Indoor Stadium）睇Disney on Ice, Daddy公司買飛有特價, 可以平少少.

話明on Ice, 即係啲演員全部要溜冰, 當中有些少花式溜冰, 都唔錯, 但就當然唔可能有Michelle Kwan咁既standard啦.  不過囝囝們睇見美人魚凌空跳起轉兩圈已經嘩嘩聲.  即刻問我有冇帶相機, 我話有, 但唔用得閃光燈, 所以真係影唔到佢想我影低既嘢.

呢張係唯一一張影得算清的, 因為已經完場, 所以我用閃光燈.

我覺得成個show都好好睇, 因為我鐘意睇溜冰, 又鐘意Disney人物.  開場時有Mickey, Minnie, Donald 同 Goofy, 跟住有Cars, 之後就係Little Mermaid和Lion King, 最後有大家都唔係好熟悉的Tinkerbell.  細佬最興奮見到McQueen, 直情係尖叫, 大佬就成場都睇得好入神.

睇完show幾乎四點, 返到屋企囝囝哋話要食tea time, 就去屋企附近一間算幾有名的Balmoral Bakery買些點心.  呢間店係一對老夫婦經營的, 聽講chicken pie好出名, 除了pies外, 還賣些蛋糕和麵包.  蛋糕是很古早味的, 很傳統, 沒有特別裝飾, 亦冇平常HDB樓下餅舖嗰種嚇人粉藍粉紫色的忌廉裝飾. 

未嚟得切影相己經俾囝囝食咗面層酥皮, 佢食完面層後話唔鐘意啲餡, 跟住同細佬交換.

細佬開始係食呢個叫butterfly的蛋糕, 個樣幾得意, 味道普普通通啦，海綿蛋糕開個窿加啲cream喺中間，下次我試吓自己整。

另外仲買了一件拿破崙蛋糕, 很少在新加坡見到的.   上次和Daddy提起, 佢原來係未聽過呢款蛋糕, 所以就買嚟俾佢睇睇.

大佬話咁快食完舊Butterfly, 再食多少少拿破崙.

大佬唔鐘意的chicken pie餡, 細佬一手包辦, 仲話好好味.  第二朝食早餐時問佢想食乜, 佢居然話chicken pie.

講真呢間餅舖啲嘢唔算十分好食, 但勝在夠誠意,睇得出全部自製, 同埋好懷舊, 好似以前細個食嗰啲西餅咁 .