上星期五趕到氣咳, 把全部的表格填好. 回到家覺得很頭痛, 累到只想躺下不動.
要好好奬勵自己, 叫Daddy去買魷魚絲, 然後邊喝volka drink (瓶裝只有少量酒精, 甜甜的那種), 邊吃魷魚絲.
發覺這樣的解壓方法不錯, 星期六去超市又掃多幾包魷魚絲, 以備不時之需. 哈哈, 魷魚絲現在變成"stressed" 的代名詞了.
星期一出星期一晚餐精選就肯定不是當天煮的啦, 這陣子太忙了, 堆了很多舊菜舊事要寫, 很多篇都在排着隊.
這兩道又是放工後快手煮的, 南乳雞翼, 不用烤的, 燜就算了, 也很好吃哩. 大仔邊吃邊說: "Mommy, I think your food is better than outside food.". 應該是新姐姐的菜式比舊姐姐差太多, 每天吃新姐姐煮的菜, 偶而吃到我煮的就覺得是人間美味咯.
這次買齊材料煮了四喜烤麩, 有冬筍, 雲耳, 毛豆和冬菇. 燜的時間不夠, 材料都好像還未把汁料吸收夠, 反而剩下的隔夜後翻熱後超好味哩.
昨晚照常把菜單寫好, 煲湯料預備好, 仔細地告訴姐姐, 再三叮囑要記得煮, 剛才再打電話回去提她, 希望今晚不再出狀況.
新的姐姐還未適應嗎？
ReplyDelete新姐姐對煮嘢食係一啲興趣都冇, 其他家務都OK.
Delete南乳雞翼好靚仔，但我都是比較喜歡吃烤的, 極惹味啊﹗雖然有點熱氣，但偶然吃一次幾好呢﹗
ReplyDelete我都係鐘意烤的, 逼晒啲油出嚟無咁肥, 但我懶開焗爐就用燜.
DeleteMatthias is so sweet always!
ReplyDeleteBut those are rare moments. He's driving me mad most of the time.
Delete這兩道都叫快手煮。。。。Luyi太利害呢，把一成功力傳俾姐姐啦
ReplyDelete俾十成佢都得, 只係佢冇興趣學啫. 舊姐姐就學到八九成.
Delete南乳炆雞翼... 未試過呢... 好想試!!
ReplyDelete可能唔關姐姐事架... 可能小朋友嘅天性都係鍾意媽媽嘅味道呢... 無論外面D中菜館幾好味, 都係我阿媽個煎肉餅最好食... 可能就係因為咁架咋... ^_^
南乳炆都幾好味架, 懶得開焗爐時可以咁煮. 我囝囝哋平時係隔籬飯香啲架.
Delete我反而諗:如果大仔冇試過地獄廚房，佢就唔識珍惜同欣賞你，反而覺得一切都係必然
ReplyDelete家陣佢哋已經冇咁take things for granted, 會識珍惜同欣常我煮啲嘢.
Delete新姐姐如果仲唔記得煮o既話,佢真係唔知個C字點寫.
ReplyDelete如果提咁多次都唔記得既, 佢可以準備執包伏.
Delete有阿仔賞面， 真是甜在心呀。
ReplyDelete有人讚都係開心既, 尤其係好挑剔的囝囝.
Delete不是，點都是MOMMY手勢好味啲^^
ReplyDelete佢哋一向都隔籬飯香啲架, 係最近先會欣賞多啲咋.
Delete南乳雞翼好好味~而且又好送飯呢~!
ReplyDelete南乳雞翼唔一定要焗, 炆都好好味.
Delete