下星期就搬, 噚晚要backup電腦啲資料, 順便上埋相.
上上個星期六, 囝囝話鐘意食花生醬麵包, 我特登去買一樽crunchy peanut butter來整. 造型時, 本來想整橄欖型, 整咗一個後, 囝囝即時叫停, 話要旁邊有窿先好食, 聽到我一頭霧水, 於是叫佢自己整.
原來佢既意思係搽完醬捲起後, 側邊唔駛掐埋, 好似腸仔包咁.
呢盆就係佢有份碌一碌既包包, 有花生醬包和紅苺葡萄乾包.
另外我還做了無花果包, 用了土耳其無花果乾.
臨入爐前掃蛋液後才放上南瓜籽(?), 一粒一粒咁放, 七個包之後就己經冇耐性, 所以其餘四個冇南瓜籽. 其實可唔可以成個包拎起去蘸啲南瓜籽呢? 參考了仙姐的十七小時包包食譜, 包包好軟熟, 有南瓜籽的好味好多, 早之有耐性放埋嗰四個包啦.
南瓜籽包夠香呀. 阿仔幾好喎, 幫埋您手.
ReplyDelete我試過整形後拿起個包, 在包面噴水, 在碟上(已放上芝麻粒) 滾動. 等佢痴晒芝麻.
[版主回覆07/22/2010 17:28:00]你哋俾張相呃咗喇, 佢真係碌咗一吓咁大把咋, 個麵糰有彈性, 佢碌唔開. 我都諗過拎起個包, 但又怕個包會泄氣同埋啲南瓜籽咁大粒唔知痴唔痴到.
囝囝碌得好專心喎. 十七小時包包我都整過, 真係好軟熟.
ReplyDelete[版主回覆07/22/2010 17:29:00]你哋俾張相呃咗喇, 佢真係碌咗一吓咁大把咋, 個麵糰有彈性, 佢碌唔開. 十七小時包包真係好正, 但麵糰偏濕, 用手搓唔易.
有時小朋友講既野真係好難明, 哈!
ReplyDelete[版主回覆07/22/2010 17:30:00]係呀, 好多時佢好興奮咁同我哋講, 但我哋都唔知佢講乜, 跟住佢就會好忟.
幾好喎..仔仔又幫手整包包..你開心啦..
ReplyDelete[版主回覆07/22/2010 17:31:00]佢帮手碌咗一下咁大把咋, 佢邊有心機慢慢摸呀.
南瓜籽包包好靚呀!!!
ReplyDelete[版主回覆07/22/2010 17:33:00]Thanks! 我本來想整既係包面上鋪好多好多的南瓜籽, 最衰冇耐性.
碌咗一下已經好好啦 ，我嘅仔女只影相咋
ReplyDelete[版主回覆08/04/2010 09:08:00]佢哋肯你捧場咪夠囉, 我整啲嘢食囝囝唔係次次都食架.