細佬返playgroup

細佬由上年十月就開始每個星期六朝早會去playgroup, 參加源自英國的Tumble Tots. 

Tumble Tots 每次上堂45分鐘, 最初十五分鐘係physical play, 中心內會set up幾個station, 有啲係訓練佢哋既平行, 有啲就要爬樓梯, 有啲行斜坡, 諸如此類.

細佬己經玩到熟晒, 每樣都好有信心.  其實呢啲physical play除咗訓練佢哋既手腳活動外, 小朋友從中都會建立自信心.  細佬初時連爬樓梯, 穿山窿都唔敢架, 依家就乜都敢, 如果有新同學嚟, 佢仲會快啲去"示範"俾人睇添.

十五分鐘後就係circle time, 全部小朋友同家長都圍成一圈, 唱歌仔, 讀rhymes, 做coordination exercise (譬如掟波波, 將豆袋放上頭跟住行, 原地跳前跳後之類), 數人頭(數吓嗰日有幾個小朋友出席), 次次數完老師就會抱起volunteer出嚟數嗰個小朋友, 咁細佬就最鐘意, 所以次次都好踴躍咁自動行出去. 最後, 啲小朋友就要坐定定聽老師講點去做每個station既活動, 訓練小朋友去留心聽話 (listening and understanding).

之後啲小朋友又再玩physical play, 到最後五分鐘, 就又circle time, 唱多一首歌, 老師分貼紙就可以番屋企. 

走之前要hug and kiss每一個老師.

以前哥哥都係番Tumble Tots架, 呢張係佢第一次番時影的, 係咪好細個呢?