八米＠義安城

上星期二晚和Daddy去義安城（Ngee Ann City)食飯，發現basement層的食肆唔同咗，多了幾間新的。

揀了這間叫八米的，見牆上掛着的相，呢間嘢响日本有好多分店的。

主要賣點好似係啲飯，有紅豆飯，三文魚碎飯，仲有唔記得咩飯。總之就每個餐都可以揀一款飯，望落似孚好健康，令我諗起响日本食到好好味的有味飯團。

要先去柜枱落order俾錢，侍應才帶我哋去坐低。

我叫的鹽燒saba套餐，片魚細到個嘴大啲都可以一啖食落肚。啲飯原來係糯米飯，唔覺有咩特別，完全冇味的，仲要好少，大食少少都唔夠食。碗湯超級鹹，啲配菜都係好一般。

Daddy叫的炸雞餐，兩小塊咁大把，兩啖搞掂。

食完呢餐後覺得勁唔滿足，好似冇咩落肚咁，太健康嘅嘢都係唔太啱我。

盛惠S$23.6，我絕對唔會再帮襯。

其實到Orchard的目的係去買電腦，用開部電腦已經七年幾，慢到頂唔順。

今次決定買部iMac嚟玩，家陣仲係摸索中，用開PC家陣轉OS好多嘢都要學過，要load 相都要攪一大輪。一開部機，第一樣揾嘅就係有冇得打倉頡，攪一輪原來有嘅，好嘢，呢樣好緊要，冇我點寫blog呀。不過，Mac的倉頡輸入法同Window的有少少出入，又要慢慢適應。