紅酒加相同份量的水, 加砂糖和蜜糖, 半枝肉桂, 檸檬皮和橙皮, 煮滾, 下已刨皮的梨, 慢火煮至梨夠淋.
一邊煮, 一邊聞到好香的紅酒加肉桂香味, 好想即刻倒來飲.
煮好後讓梨浸在紅酒汁裏雪過夜.
第二日食前才翻熱, 配雪糕食.
梨煮得唔夠軟身, 但有紅酒和肉桂味, 我覺得好正. 可惜Daddy一啲都唔欣賞, 話成碟最好味係嗰兩球雪糕.
紅酒汁應該再煮滾至變成濃糖水淋在梨上, 不過我就直接倒來飲, 味道好似mulled wine, 甜甜哋, 飲完成身暖笠笠. 諗下其實mulled wine 的做法都係差唔多啫, 早知加埋丁香就仲似.
佢令我諗起以前在英國成班學聚埋食聖誕大餐的情景, 好懷念!
當時成廿人一齊, 大家分工合作, 焗火雞, 煮brussel sprouts, 預備mulled wine, 記得我負責整roast potatoes.
大大隻火雞點解凍呢? 我哋住學校宿舍或租屋住, 要同人share雪柜, 冇可能將隻火雞放落雪柜下格嚟解凍. 所以我朋友就將隻火雞先放入大水桶裏, 再放在車尾箱, 用了三天時間來解凍, 諗番起都幾搞笑.
題外話:
啱啱個公司新來的清潔嬸嬸問我係咪本地人, 我答唔係, 佢話佢睇我都唔似. 哈, 乜我同啲波妹差咁遠咩? 佢其實都唔係第一個問, 有時坐的士坐lift都會俾人問, 就算我唔開口啲人都會知, 點解呢?
因為你無佢地著衫咁放,又無兩條超粗又畫到飛起唔痴eye lashes既眼線囉...真係睇得出架,打扮衣著係好唔同!!!
ReplyDelete[版主回覆12/29/2010 09:30:00]哈哈, 我從來唔畫眼線, 一年化粧次數唔過十次.
"兩條超粗又畫到飛起唔痴eye lashes既眼線" 呢句好鬼精警 我呢個化粧白痴真係畫唔出.
衣着打扮囖. 很久以前香港流行日着, 我由頭到腳到着到日本妹咁; D人一眼就知道我不是本地人. 跟住成日比外人特别是同事們行注目礼.
ReplyDelete[版主回覆12/29/2010 09:27:00]但係我公司啲人唔化粧, 又唔會着得好in, 普通牛記笠記, 或office wear.
波妹係乜style架?
ReplyDelete[版主回覆12/29/2010 09:25:00]你睇其他留言吧.
我都想試下你杯酒呀,睇落好吸引,梨同紅酒其實好夾架,好醒呀你 .因為可能衣著方面,化妝技巧都唔同囉,佢地好open架痳,而且你睇下佢地既妝好誇張架,HK女仔普遍返工係淡妝,似日本feel多啲,你自己留意下
ReplyDelete[版主回覆12/29/2010 09:24:00]咁呢邊啲女仔着衫又真係好open, 我真係唔夠膽. 所以我老公有時睇香港啲八卦雜誌寫邊個明星晒波啦, bra 帶show少少又話走光之類, 佢就會話有咩出奇啫, 點解咁都好講, 呢邊啲女仔平時出街都係咁架啦, 成條orchard road都係.
不過, 怪在我公司啲人都係着得好普通(唔會有低胸露背, 牛記笠記或正常office wear), 亦唔會化粧, 所以唔明點解個嬸嬸都會睇得出.
個梨好正呀! 睇到都想食呀!
ReplyDelete[版主回覆12/29/2010 10:13:00]我就鐘情嗰杯嘢飲多啲.
紅酒燴梨可以用來做tart ah! custard fillings top with sliced red wine pear!
ReplyDelete[版主回覆12/29/2010 10:14:00]我知, 不過我懶嘛, 今次做嚟玩吓, 想用咗啲紅酒同梨. 下次我會試吓整tart.
依個甜品點解你 honey 唔識欣賞呀? 我睇相都想食喇
ReplyDelete[版主回覆12/29/2010 14:13:00]我都唔明架, 不過佢通常都係彈多過讚既. 唔緊要啦, 佢唔識欣賞有你哋欣賞就得啦.
"不過佢通常都係彈多過讚既" --- 死火，突然想到W佢食完我餐飯之後。。。
ReplyDelete[版主回覆12/29/2010 15:55:00]你放心, 佢話好食, 你整啲嘢又點會有人彈呀!
港人look 更係到醒目得多啦！我都係欣賞你杯紅酒汁！
ReplyDelete有冇講要用d 咩 Red Wine 架??
ReplyDelete[版主回覆03/08/2011 21:01:00]咁我就冇研究喎，我順手有就用咋。