香港行(5)

俾聖誕節的幾篇插了隊, 終於輪到十二月香港行的完結篇.

十二月十四日

返新加坡前的一晚, 一家人決定提前食冬至飯.  嗰日下晝開始天氣開始轉凍, 到夜晚己經得番十度左右, 仲好大風.  既然天氣凍, 費事去遠的地方, 只到對面的一品酒樓食.

公公婆婆同啲孫仔一齊影相, 好開心呀.  到農曆新年時, 美國的妹妹帶埋佢兩個囝囝返香港, 六個孫一齊就更熱鬧.

兩老表又嚟擺甫士.

蒸東星斑, 好正, 肉好滑又新鮮.

冬天最啱食的枝竹羊腩煲, 食完暖笠笠.

金銀蛋扒小白菜

啫啫黃鱔煲, 唔知幾多年冇食過黃鱔, 啲肉爽脆好正! 仲要勁抵食, 大大煲才48蚊.

三隻燒bb鴿, 食到一半先記得影, 啲鴿細細隻都幾好味.

蟲草花煲雞, 飲得出有放嚮螺片, 好味.

其實嘢食係其次, 可以一家人聚埋一齊食飯就最温馨最開心.

食完呢餐第二日就走, 好唔捨得爸爸媽媽.  不過唔緊要, 好快又番香港嘞, 因為二月頭就農曆新年, 會番去過年. 

今次返香港有一年事一定要記低 -

返香港頭一日, 大仔突然响婆婆耳邊講: "Jesus loves you".  嗰刻我真係好開心, 囝囝大個仔喇.  事緣未返香港前, 曾然有一晚在禱告時, 我說希望婆婆快點信主.  囝囝就問點解婆婆唔信主呀? 我話因為佢唔識主耶穌, 所以我哋返去要向佢傳福音囉.  估唔到囝囝居然記得, 仲好認真咁同婆婆講添, 真抵錫.