香港行(2)

十二月十一日

晚飯後個麻煩親戚走咗後, 啲細路就留响我細妹屋企玩.

細佬同大佢半年的表姐玩, 表姐仔笑起上嚟同佢姨媽(即係我)一樣咁甜噃, kekekeke.

表姐話要企埋一齊影棵聖誕樹喎.

哥哥就鐘意同細佢三個月的表弟玩, 一話影相兩個就係咁擺唔同甫士.

好彩呢隻唔係真狗啫, 咪俾佢哋兩個玩死.

十二月十二日

返香港必到之處 - 花園街.

每次都要去行幾次, 但啱啱前個星期前面一截俾個狂徒燒咗, 成段路都封晒.  啲檔販同旁邊舖頭好慘呀, 無端端俾人燒到連檔口都塌埋.  聖誕同農曆年要到, 好多檔口仲入咗大量新貨, 損失慘重哩!  其中有一檔係我爸爸的朋友, 小小一個檔口都燒咗成十萬以上的貨呀, 陰公!  呢啲檔口係冇買保險的, 因為冇保險公司肯受保的, 所以真係好慘, 完全血本無歸架.

今次去花園街都係買細路嘢, 不過我的最大收穫係可以一路行一路食, 辣辣魚蛋, 魚肉燒賣, ..., 唯一呢碗有影低, 韭菜豬紅腸.  其實我對豬紅興趣唔大, 但Daddy鐘意先陪佢食啫.