法式燉蛋 crème brulee

上次餃子夜整了mango hazelnut roulade, 用了五隻蛋白, 如何消化剩下的五隻蛋黃和淡忌廉呢?

最簡單方法, 整crème brulee, 照獨角仙的食譜, 加多一隻蛋就搞掂, 順便拎支封塵好耐的火熗嚟玩吓.

支火熗買咗成年幾, 用過一次咁大把咋.  拎番出嚟初頭都要睇番說明書先識點入gas.

其實我好鐘意玩火熗架, 好似細個時偷偷地响屋企玩火柴咁, 雖然家陣名正言順咁玩, 但玩火都係好刺激. 

叫Daddy帮我影我用火熗嚟燒啲糖, 佢搞鬼咁耐, 又要我唔郁得, 把火對住燒咁耐會燶架嘛, 所以上面佢碗就燒咗個大窿嘞. 

呢兩個心心ramekin係隨支火熗送的, 我好鐘意架. 

左邊嗰碗係第一碗燒, 唔係好記得支熗點玩, 燒得唔靚, 右邊嗰兜就靚得多.

個食譜夠做四兜, 啱啱好一人一兜 (大仔唔食).  呢款甜品我一年先會整一次, 因為好肥呀!