自製腸粉, 炸両

最近在家照顧兩個囝囝, 每日要為他準備早餐, 但沒埋由日日都食麵包, 偶而要攪攪新意, 於是上星期某日就整腸粉.

對上一次整腸粉已經是三年前了, 自從教識姐姐整之後, 我就冇整過.

太耐冇同腸粉打交道, 整得好慢, 腸粉有厚有薄, 有長有短.

知道自己手腳慢, 早一晚整定, 朝早只需蒸熱.

囝囝喜歡配甜醬, 我還特地去買甜醬來給他點.  家裏沒芝麻醬, 改用花生醬加麻油, 味道尚可接受, 至少囝囝覺得好味.

下晝又貪得意整炸両, 油炸鬼之前買存在冰箱, 先用焗爐焗熱, 再蒸腸粉來包.

第一次整, 腸粉皮厚咗啲.  原來要包油炸鬼喺裏面係幾難的, 雖然和在香港吃到的有大距離, 但能自己在家吃到都已經很滿足. 

囝囝放學後就食炸両做下午茶, 還吃得津津有味.

我吃腸粉或炸両都只放少量生抽和麻油, 最怕外面吃到浸在一大灘豉油裏, 食到最後咸到飛起.

上個月就在腸粉之家吃到一碟浸滿帶苦味醬油的炸両, 非常難食, 也就是它激發我要自己整炸両的決心.