朝早趁囝囝返學, 跟愛美麗的食譜烘了包包. 再到超市買雞脾肉, 用terriyaki sauce醃, 烘包包時順便一齊入爐.
囝囝放學後包包剛攤凍, 雞脾肉仍在爐中等上色. 可惜忘了買生菜, 包內就只雞肉和沙律醬. 少了生菜, 賣相麻麻, 但包包夠軟熟, 都好好味.
囝囝一口氣食了兩個, 連細佬都追住要食.
噚晚答應囝囝要整chicken burger時, 佢話: "Mommy, can you also make fries?". 佢以為屋企係快餐店咩, 我睬佢都儍!
烘了八個包包, 還剩四個, 囝囝話聽日都要再食呢個burger.
今天不是整包包的日子, 右手一早起身已經好攰, 搓麵糰覺得分外吃力. 係咪壓得唔夠大力, 出來包包圓碌碌好似煎堆咁.
今晚daddy要遲返, 晚餐只有我個兩個囝囝, 可以簡單啲.
非常下飯的炸菜肉絲和一碟白灼西蘭花.
煮給我自己的菇菇湯, 呢包菇菇買了幾日已經不能再留, 於是清清地加蕃茄和黃芽白煮成雜菜湯, 呢個湯相信有排毒功效啩.
No comments:
Post a Comment