上星期為我媽咪整的母親節禮物 - 榛子雪球和伯爵茶小餅乾. 特地用粉紅色包裝, 托教會傳道返香港時替我帶給我媽咪.
今日午餐和奶奶和daddy的家人吃飯慶祝, 又係去Guild House的秀才(The Scholars). 奶奶話要食小菜, 唔食點心. 叫了北京填鴨, 銀魚金蒜莧菜, 黃金蟹棗, 烏欖肉碎扒豆腐. 食到一半先醒起要影相.
雖然話唔要點心, 但奶奶都叫咗叉燒包和奶黃流沙包, 因為佢鐘意食包包. 結果叉燒包食剩兩個, 佢都好開心咁打包返屋企. 而我就拎咗隻鴨返屋企, 今晚叮熱就掂, 煮少一樣.
食物全部都唔錯, 價錢都ok, 隻填鴨才S$28. 埋單時侍應還送上一支玫瑰花, 當然係俾奶奶啦, 佢都不知幾開心.
Guild House 的泳池剛啓用, 食完後去睇睇, 搬屋後近啲可以嚟游吓水.
母親節快樂
ReplyDelete[版主回覆05/10/2010 16:48:00](Empty)
星期六和奶奶吃飯吃京菜, 又是吃了北京填鴨, 吃了一件都好漏......
ReplyDelete[版主回覆05/10/2010 16:51:00]呢隻填鴨好瘦吓, 肥膏唔好所以唔多覺漏, 但係啲醬就放得太多, 嫌咸得濟. 以前細個喺香港食填鴨都係自已夾架嘛, 但呢度次次都係侍應夾好晒, 唔可以自已控制醬料份量.
你真係有心, 媽媽收到一定甜絲絲哩!
ReplyDelete[版主回覆05/10/2010 16:52:00]最緊要佢開心啫. 佢話好味喎.
係個皮餅皮皮漏呀, 哈哈, 食多塊都好飽咁...
ReplyDelete香港d醬唔咸架, 係甜架呢!