開心包包日

星期六同事來我家裏學整包包, 本來打算午餐後開始, 或者可以趕及下午茶食.

但她有事要四點才到, 於是我自己先動手做了鮮奶球給大仔去學琴前做下午茶.

懷疑層脆皮我量錯份量, 一係牛油少咗, 一係粉多咗, 個表面咁唔平既.  不過都好味, 最緊要裏面鬆軟.

同事到後就開工整南瓜包, 大家一邊搓一邊有傾有講, 好開心.

最後成品, 圓形的包南瓜餡, 三角形的包肉鬆, 長形的包腸仔.

南瓜包放在雪柜下格三日都仲好軟熟.

梗係要同包包影番張相啦.

因為下晝四點幾先開始整, 到晚飯時間才出爐, 順便留她吃晚飯.

她真有口福, 因為一早囝囝order咗燒肉, 朝早去街市又買咗貢貢和靚烏頭.  當晚四餸一湯. 湯其實係前一晚剩下的花旗參花膠雞湯.

脆皮燒肉, 今次好成功, 個皮夠脆, 舊腩肉又好瘦吓.

白灼貢貢

學Mommy Dearest的香芧檸檬葉蒜蓉焗烏頭, 原汁原味, 完全將烏頭的鮮味帶出.  同事最欣賞呢味.

影相時條魚其實未夠熟, 要再入爐焗多陣.  應該由另一邊影, 咁樣見唔到啲香芧和檸檬葉, 我放咗好多好多, 全部在魚肚和用來墊底.

油菜一碟.

嗰日好開心, 好耐冇同人一齊整嘢食.