當我仍熟睡時, 突然大仔叫:"Mommy, it's 9.50!".
即刻彈起身, 唔係呃我呀, 再睇鐘, 真係九點五十分.
Oh no! 大仔十點十五分要上校車, 剩番二十分鐘要全部人擦牙洗面食早餐. 不停咁叫 "快啲快啲....", 好彩趕得切上校車.
大仔返學, 我就吸塵抹地, 細佬自己睇電視, 但突然好靜喎, 睇吓佢做咩先.
原來喺度帮我抺窗, 真乖! 我冇叫佢架, 佢自己拎張濕紙巾來抺.
是日晚餐三餸一湯.
百花蒸釀豆腐, 個芡杰咗啲.
蒸石斑魚尾, 蒸七分鐘剛剛好. 一碟菜心在右上角.
花旗參准山紅棗花膠煲雞.
飯後甜品 - 紅綠豆沙
另外再煮了一煲南乳芋頭炆五花腩, 入冰箱留下個星期三我要開會遲返時叫daddy自己翻熱做晚餐的. 都唔知邊個咁醒, 攪個會係下晝五點半開到七點!
我覺得我响屋企勤力過返工, 好彩我波士係唔會睇我個blog既.
No comments:
Post a Comment