多得媒體對油污的廣泛報導, 平時假期都會人山人海的東海岸, 居然到中午十二點都仍有車位泊車.
其實當日已經冇咩味, 聞上去比在油站的油味還要淡得多.
但近海的沙被油污染, 所以小朋友只在樹下玩沙.

朋友剛買了大機, 影啲相特別靚, 用來給小朋友影大特寫簡直一流, 攪到我好想即刻去買部來用, 不過Daddy强烈反對.

帶了兩個頭盔給兩個囝囝, 結果大仔的女朋友仔話要戴, 咁就讓一個俾佢. 兩個一齊踩單車, 幾開心.

細佬未識踩, 只係坐喺Daddy前面由Daddy去踩. 不過都坐喺哥哥部車上擺甫士, 腳唔夠長, 踩唔到.

玩到十一點幾, 啲小朋友已經攰晒話要食嘢, 食完嘢大家就返屋企瞓晏覺了.
點解嗰日係美好的一天呢? 除咗去踩單車外, 亦因為成個下晝我都好悠閒咁可以去完成好多想做好耐既嘢, 包括: 改短西褲, 入相入相簿, 修改晚裝裙, 修腳甲...
晚上就繼續我的三菜一湯系列.
節瓜鱆魚排骨湯, 加茨實, 淮山, 蜜棗和薑一起煲, 湯很濃很甜, 完全唔需要落鹽.

黃芽白粉絲蝦米

蝦醬蒸魷魚

之前食剩的薯仔炆雞翼

呢餐係我自己煮的三菜一湯係列的最後一餐, 因為姐姐星期六晚終於返到嘞. Yeah!!!! 煮飯重任就交番俾佢喇.
No comments:
Post a Comment