之前Daddy話大佬今年喺學校唔乖, 所以罰佢今年冇生日會, 冇生日蛋糕, 冇生日禮物. 但原來佢自己私下同囝囝講會買隻爆旋鉈鏍俾佢做生日禮物, 真正講一套做一套. 我噚晚問佢到底要唔要攪生日會, 佢將個波掟番俾我, "你自己諗啦!", "橫掂係你攪之嘛, 我只負責當日應酬啲家長架咋."
家陣我就要臨急去張羅, 唉!
今日係大佬學校的 year end party, 因為學校年終假期就快開始. 老師叫每人都帶食物飲品, 囝囝本來想我買薯片俾佢帶, 但我唔鐘意小朋友食啲咁唔健康既食物, 所以最尾自己整. 今次整 rocky road mini cupcakes.
第一次整, 食譜出自外國食譜書, 做計應該會好甜, 所以所有甜的材料都減減減, 結果唔夠甜, 但囝囝居然話好味. 以為會像平時的muffin焗時會長高發大, 但原來這個的質感接近brownie, 並沒長高太多, 所以焗完出嚟每杯都只有大半, 失策!家陣我就要臨急去張羅, 唉!
今日係大佬學校的 year end party, 因為學校年終假期就快開始. 老師叫每人都帶食物飲品, 囝囝本來想我買薯片俾佢帶, 但我唔鐘意小朋友食啲咁唔健康既食物, 所以最尾自己整. 今次整 rocky road mini cupcakes.
怕小朋友唔鐘意食合桃, 沒有在麵糊裏加入合桃碎, 只在每個cupcake上意思意思的放一小粒, 所以這些是唔rocky的 rocky road cupcakes. 又係怕甜, 原來上面要放好多好多棉花糖, 黑白朱古力, 我又係減減減, 只放幾粒, 攪到好醜樣, 最尾焗好後才再加啲棉花糖喺面.
雖然今次整得麻麻, 但我諗有朱古力又有棉花糖, 小朋友們應該都會鐘意的.
本來要照食譜份量, 但姐姐話佢上次照這書的食譜做出嚟會較少(即書話18做, 可能只做到15個). 於是就double份量去做, 好彩有KA, 個漿係好杰的, 用手攪會手軟. 出嚟份量好多, 總共整了71個, 比原定要整多了一倍有多, 有無人要幫襯呀?
我要..我要...幫我同大佬講聲"生日快樂"
ReplyDelete[版主回覆11/15/2011 14:04:58]多謝! 送夠一打俾你!
Hi just walk around...d rocky road cupcakes睇起來都幾好味呀!!
ReplyDelete[版主回覆11/16/2011 12:29:40]多謝留言! 多啲果仁會好味啲.
個個父母都咁錫仔女啦!
ReplyDelete[版主回覆11/16/2011 12:30:09]錫還錫, 唔好以講一套做一套嘛.
ROCKY ROAD ICE-CREAM我鍾意呀!!! Cupcake未試過呢....
ReplyDelete[版主回覆11/16/2011 12:30:50]我都係第一次整, 但我覺得呢個食譜麻麻, 太rich, 下次要用第二個.
36個份量你做到71個, 讚晒㕸..^^
ReplyDelete[版主回覆11/16/2011 12:31:20]啲杯仔好細嘛. 依家要拎嚟派街坊.
其實小朋友食多少少甜唔緊要，佢地跳跳躍，好快burnt out !
ReplyDelete[版主回覆11/16/2011 12:31:53]係囉, 我唔醒起呢樣, 淨係習慣性地減甜.
比原定整的多了一倍＞ 但係你ｏ個ｄ只係半滿佐喎。
ReplyDelete[版主回覆11/16/2011 12:33:36]係有啲細杯啲啫, 大部份都3/4滿, 如果我照食譜加好多topping喺面就會滿架嘞. 其實唔滿都好既, 因為呢個食譜勁rich, 朱古力味濃到有啲難頂.
講一套做一套.~~哈~~咁daddy 又真係唔啱喎
ReplyDelete[版主回覆11/17/2011 11:48:16]就係囉, 話佢又唔聽.
有你呢個媽咪真係好幸福!!絶對地,呢個咁靚既home made rocky road cupcake,又點可以同薯片比吖!! 仔仔一定好proud of 你呢個媽咪呢!!!
ReplyDelete[版主回覆11/17/2011 11:49:55]囝囝今係好proud of 啲cupcake架, 不過可惜佢啲同學仔唔buy, 寧願食即食麵(類似福字麵), 餅乾都唔吼啲蛋糕, 囝囝好失望咁拎番大部份番屋企.