涼拌茄子

今日好攰, 昨晚十點半左右瞓着, 十一點半給囝囝們嘈醒, 之後輾轉反側很久才再瞓着. 
我瞓覺通常都唔易醒, 行雷閃電我都未必會醒, 但只要是由囝囝房傳來的聲音, 我就會特別敏感, 少少的踫撞聲我都會扎醒, 因為怕囝囝哋滾下床撞親.
昨晚囝囝並冇碌落床, 只是兩隻馬騮成十一點半仲玩緊傾緊, 當然被我鬧. 
由明日起囝囝們就開始放假了, 可憐姐姐每日都會好忙, 要到下年一月先開學, 我又要日日傷腦筋為他們安排節目.
下面呢碟係涼拌茄子, 酸酸甜甜, 很開胃又易整, 大家不妨試試.
茄子切條隔水蒸熟, 紅蘿蔔絲略灼軟, 最後淋上用麻油, 薑蓉, 炒香芝麻, 生抽, 淅醋和糖混合而成的醬汁.  可以先燒熱麻油淋在薑蓉上才加入其他醬汁材料, 會更香.