一向都照T&P的做法, 但可能是要放一層鹽在皮上面過夜, 豬皮焗出來有時會好鹹.
今次決定試試不鋪鹽, 豬腩肉搽上醃料後, 用豬插在皮上刺孔, 然後放雪櫃過夜. 第二日下晝將腩肉取出, 吊起風乾. 為了確保皮夠乾, 焗之前我還用吹風筒來吹豬皮. 入爐前搽少少醋. 不確定是那種醋, 家裏有淅醋和白醋, 每樣搽一次, 沒錯了吧.
入爐兩分鐘後, 皮已經爆得很厲害, 放上層fan grill八分鐘後, 見皮已經焗好, 就轉下層180度焗55分鐘. 旁邊有少少燶的, 不怕, 用小刀刮幾下就好了.
結果, 今次實驗算合格, 下次不用鋪鹽了.
Daddy前一日見到我醃豬腩肉, 已經投訴:"又整燒肉呀, 我都唔鐘意食". 唔好意思, 今次少數服從多數, 燒腩肉全家大細都鐘意, 連姐姐都食到津津有味, 卜卜脆的囝囝們當然最鐘意.
所以昨晚當我們吃燒肉吃得很滋味時, Daddy就吃青菜和罐頭沙甸魚.
吃完肥膩燒肉, 是時候做做運動. 在姐姐的要求下(因她要減肥), stepping machine終於重見天日, 從士多房搬到她的房裏. 現在囝囝們也會用來做運動, 大佬一次做兩百多下面不改容. 細佬不夠力, 人家用腳踏, 他用屁股坐下去, 坐完一邊又坐另一邊!
我整過一次之後, 都覺得咸, 會試其他方法
ReplyDelete[版主回覆04/04/2011 22:19:00]最有時鹹到死但塊皮都唔脆就最激氣，今次效果唔錯，我下次都唔再鋪鹽喇。
我仲未整過呀,搵日試試先.. 你對姐姐真好好呀,好似一家人咁..
ReplyDelete[版主回覆04/04/2011 22:17:00]整啦整啦，AN一定會好鐘意食架。 係呀， 我哋好似一家人咁架，將心比心嘛，你對人好，人對你好囉。我哋對佢好，佢又會俾心機啲做嘢。好似有時我要夜返，但囝囝第二日有測驗，我無叫佢都會自動去幫囝囝温習架。
ReplyDeleteThats it young fella. need to exercise more after eating so many 卜卜脆燒腩肉
[版主回覆04/04/2011 22:14:00]I think I needs it more.
刺孔好嘥功夫喎!!
ReplyDelete[版主回覆04/04/2011 22:12:00]塊皮未乾時刺孔都唔難，個豬插有好多根釘，一次插好多個窿，一舊肉插十幾下度啫，咪當舊肉係仇人咁狂插佢囉，順便發洩下。
細佬不夠力, 人家用腳踏, 他用屁股坐下去, 坐完一邊又坐另一邊
ReplyDelete---> 哈哈哈, 細佬好可愛, 笑 C 我呀
[版主回覆04/04/2011 22:09:00]佢啲攪笑嘢拍得住你個小人仔架。
真係估唔到..你家DADDY係唔愛食燒肉...真係令人費解 ..細佬用屁股玩stepping machine..KEKEKE...有無相睇..?
ReplyDelete[版主回覆04/04/2011 22:08:00]總之辣的，有皮，有骨，有肥肉的佢全部都唔食，但蒸肉餅佢都唔鐘意架噃，所以我好慘架，都唔知煮乜先啱。 未影到相呀，遲啲影咗post俾你哋睇。
我冇你整得咁靚, 所以整咗一次就放弃了. 等我跟住你方法再整多次先.
ReplyDelete[版主回覆04/05/2011 08:57:00]整多幾次就會越整越好架啦, 唔夠脆都唔怕, 可以留番嚟整炆火腩, 仲正!
Daddy吃青菜和罐頭 ， oh no. 你的燒肉燒得很脆， 下次又要試試呢。
ReplyDelete[版主回覆04/05/2011 08:55:00]其實有一小部份唔夠脆, 入爐前都預咗, 因為見嗰part 好似未十分乾. 搽醋好似比搽油好啲, 一入爐就爆到ba ba聲.
乜咁啱.我醃梗.
ReplyDelete[版主回覆04/05/2011 08:53:00]咁橋既!
燒肉好脆咁喎...YUMMY
ReplyDelete[版主回覆04/05/2011 22:26:00]今次整得幾好，但燒肉呢樣嘢要睇天時地利，唔係次次焗得脆。
係呀...鋪salt真係好鹹...下次有機會再整,我又試下風乾先~~
ReplyDelete[版主回覆04/07/2011 18:39:00]鋪鹽好怪架，有時好正常有時又鹹到屎。其實鋪鹽都係要抽乾水啫，風乾都一樣既，我諗。
嘩﹗好勁呀﹗燒肉可以自己整，我都想試..但honey又係唔鍾意食肥豬肉..唉﹗想問用什麼醃料呀？
ReplyDelete[版主回覆04/14/2011 11:54:00]咁你整細細舊嚟自己嘆囉!
我先用酒(應該用玫瑰露, 但我冇, 就用花彫酒)搽勻, 然後搽上先混合的調味和香料(我用沙薑粉, 五香粉, 胡椒粉, 鹽和糖). 網上都有好多唔同醃法, 有啲人用南乳加糖來醃.
謝謝給我醃法，等我試下先。我honey在香港食時都係''high''下咋，我自己食哂，連老公朋友都唔係好食，叉燒就食哂..我心諗叉燒咪一樣有肥只是燶左唔覺之嘛﹗
ReplyDelete[版主回覆04/14/2011 17:41:00]我老公都係鐘意食叉燒但唔食燒肉, 都唔明解. 你honey鐘意食叉燒就仲易啦, 買罐叉燒醬就搞掂.
我人在芬蘭呢..這邊買不到叉燒醬啊..嘿﹗我想整叉燒好耐:)
ReplyDelete請問你焗之前搽白醋, 仲有冇搽油呀?
ReplyDelete[版主回覆09/13/2011 16:44:57]無呀, 不過我搽完醋後再用風筒吹乾先入爐.