休息了七年，最近終於重返詩班，所以每星期日在崇拜和主日學後還要留多成兩個鐘，返到屋企已經成兩點幾，時間仲更加唔見駛。為免星期日趕喉趕命去整包，家陣整包就轉到星期六整。
噚日整了兩批中種包，一鹹一甜。
鹹的是腸仔包和肉鬆包。之前問大佬今個星期要食咩包，我特登用普通話用佢講，佢話：“我要燒狗包”。 
我問：“燒狗？” 原來佢係直譯hotdog, 呢邊啲人hot會說燒，譬如“水很燒”，所以他以為hotdog＝燒狗。
我問：“燒狗？” 原來佢係直譯hotdog, 呢邊啲人hot會說燒，譬如“水很燒”，所以他以為hotdog＝燒狗。
甜的是吉士包，今次吉士醬整雙倍份量，可以整多幾個包。將吉士醬分少少出來，加入朱古力粒做成朱古力吉士醬。早知唔好唧朱古力吉士醬上包面，好醜樣, 不過朱古力吉士醬好好味, 囝囝一定鐘意。
噚日總共整咗廿六個包包，手軟腳軟呀!
一日四十八小時都唔夠用啦
ReplyDelete[版主回覆04/18/2011 19:47:00]真係多多都唔夠駛。
26個包包,好犀利呀,仲可以唔同味道,真的少啲腳力手力都做唔到..
ReplyDelete[版主回覆04/18/2011 19:48:00]所以今日咪週身痛囉。
這次又真是大飽眼福啊﹗
ReplyDelete[版主回覆04/18/2011 19:50:00]啲造型越整越求其啦。
燒狗包, 好可愛唷!
ReplyDelete[版主回覆04/18/2011 19:50:00]聽到我八隻耳呀，不過佢肯用中文講都算好架啦。
佩服你的堅持
ReplyDelete[版主回覆04/18/2011 19:51:00]我貪心乜都想做囉。
好搞笑呀燒狗包~~
ReplyDelete[版主回覆04/18/2011 19:52:00]聽到我八隻耳呀，話時話阿V知唔知HOTDOG中文係乜？
一次做咁多？ 嘻嘻，其實我都係， 一星期焗一次！
ReplyDelete[版主回覆04/19/2011 22:14:00]平時要返工嘛，一個星期整一次。
我今日都整咗雞尾包, 原來咁好玩
ReplyDelete[版主回覆04/20/2011 20:55:00]整包幾好玩架，整整吓會上癮。