連續寫了幾篇麵包蛋糕, 怕你們以為我只會用焗爐, 我也是會煮飯的, 只是星期一到五要返工, 廚房才讓了給姐姐.
上星期六煮的晚餐, 主菜是菜薳牛肉.
這是我最愛吃的菜式之一, 以前小時候家裏常煮的. 可惜, 在新加坡這菜就變了特別日子才能吃到. 因為這裏牛肉不是這麼容易買到, 很多本地人都不吃牛肉, 所以不是每間超市都有得賣. 在街市賣牛肉的通常都是馬拉人, 賣的也是冰凍牛肉, 而且馬拉人一般都是用來炆, 不會炒, 所以不會幫你切片的. 在超市賣的大部份是給人用來煎牛扒, 買來炒好像有點大才小用, 薄薄的一片要切片也不容易.
好長的廢話, 回正題. 這次買的是超市的急凍牛肉片, 牛肉味道是有, 但那個切牛肉的人切錯了, 所以有點韌. 下次還是買一大塊回來自己切比較好.
其實我家平常都吃得很清淡, 這頓三菜一湯的晚餐就大部份是素. 蒸蛋加了鹹蛋一齊蒸, 很滑的啊! 我爸爸教我的, 蛋和水的比例大概1-1.5 (即一飯碗蛋加一至1.5飯碗的水), 混合加鹽調味, 過篩去除浮泡, 隔水蒸至熟, 不需要蒸錫紙都可以很滑, 最好用金屬碟, 傳熱快些.
囝囝們也要上鏡.
點會以為你只識整包包呀.. 係呢,仔仔們點呀?好啲冇?
ReplyDelete[版主回覆04/08/2011 11:22:00]真架, 曾經同一個網友見面, 佢真係以為我淨係整包同蛋糕咋. 大佬今朝冇燒, 細佬仲燒緊, 不過應該冇咩事, 一樣咁跳跳紥.
簡簡單單既家常便飯, 已經好滿足啦~
ReplyDelete[版主回覆04/08/2011 11:58:00]係呀, 點都好過食外面啲味精餸嘛.
haha我見到餸側都有包包係度喎, 發酵中? 菜遠牛肉我都鍾意食呢. 好多時超市見到牛肉都係厚片. 我又怕自已唔識切. 有時都無法用佢黎炒. 咁今日您請假係屋企照顧阿仔?
ReplyDelete[版主回覆04/08/2011 12:01:00]眼利喎! 嗰啲係之前post既吉士醬包. 忙住整包包, 晚餐就簡單啲囉. 其實我買呢包都幾厚片下, 不過想食買嚟止吓癮都好過冇啦.
我都想留喺屋企同佢哋一齊休息呀, 不過好多嘢趕緊, 俾人催啦, 所以都要返工.
這些家常便飯是又吸引又健康啊！囝囝一定食得好滋味！
ReplyDelete也祝囝囝們早日康復！
[版主回覆04/08/2011 20:52:00]多謝你呀!
小朋友病真係好心痛, 又勞心!
ReplyDelete牛肉我都係鐘意買返黎自己切!
[版主回覆04/08/2011 20:51:00]連我都好似有啲燒喇，唉! 我都係鐘意自己切，但呢邊要買舊啱炒既都唔易，唔似你哋去街市就大把牛肉檔。
細佬同你細個時個樣真係一樣....你覺唔覺得細佬隻眼仔係水汪汪...點解會發燒...天氣唔好?
ReplyDelete[版主回覆04/10/2011 22:07:00]哈，咁你都睇得出？佢真係好似我細個時個樣。隻眼水汪汪，你唔講我都唔覺。 唔知呢，我諗係感冒菌傳染，連我都病病哋。
簡單就是幸福。 工人姐姐今次無幫手咩？
ReplyDelete[版主回覆04/10/2011 22:05:00]梗係有啦， 佢幫手洗洗切切，我只係要開火前先埋位啫。
原來你o個邊咁難買牛肉片架.
ReplyDelete[版主回覆04/10/2011 22:05:00]因為有好多拜觀音拜佛就唔食，印度人又唔食，所以少人食就少人賣囉。
Oh dear, how are they now?? make them drink more, barley water is very good for them!
ReplyDelete[版主回覆04/10/2011 22:00:00]大佬好番晒， 細佬仲有傷風咳，不過已經好番好多， 多謝關心。
心肝同命掟都病左...真係幸苦你勒...佢地宜家無咩野啦嘛??
ReplyDelete[版主回覆04/10/2011 22:00:00]大佬好番晒，細佬都仲有傷風咳，不過已經好番好多， 多謝關心。
清清地好呀, 如小朋友太細個食得太濃味返唔到轉頭呀
ReplyDelete[版主回覆04/11/2011 19:18:00]仲係，我都係咁諗。
2個仔仔都好可愛呀!
ReplyDelete[版主回覆04/14/2011 17:43:00]多謝你, 擺甫士影相咪可愛囉, 曳時就激死人.
想請問在新加坡所指的冰凍牛肉, 是不是拍frozen beef?
ReplyDelete[版主回覆05/01/2012 11:03:23]係呀, 冰凍=frozen. 不過自從發現屋企附近的街市有新鮮(冰鮮, chilled)牛肉賣後,就唔再買急凍貨了.