custard puffs

上星期五去了環球影城（遲啲先寫），已經攰到死，星期六下晝整包包，噚日仲要貪靚踩對三吋高跟鞋返教會，結果今日攰到攤攤腰。成身由上到下都痛，手臂病，背脊痛，成對腳都痛。唔認老都唔得，想當年大學時，着住高跟鞋成日都等閒事，依家着半日都唔掂。

講番噚日下晝整的custard puffs, 本來完全無計劃要整的，但為了消滅整包剩下的吉士醬，就整來做下午茶。

以前都是照英國買回來的食譜整的，今次試試日本人寫的食譜，比以前整的要多焗二十分鐘，總共入爐四十分鐘，真怕會焗燶。出來效果很不一樣，以前的發得少啲，裏面仍有點軟軟的。今次的發到只剩脆脆的外殼，每粒都發到很大，所以吉士醬只夠填滿六粒，其餘的存在冰箱，下次再整吉士醬或其他餡料時再拎出來。

今次貪快，想快啲整好給家人做下午茶，所以麵糊沒用唧袋唧出來，只用兩隻小匙把麵糊“畢”到焗盆上。

大佬好鐘意食, 仲問我幾時先再整過.

噚日兒主日崇拜的主題是職業，崇拜完細佬就戴了這頂“帽”，好可愛。

大佬好無癮的在後面唔肯一齊影相，因為佢成個星期冇背金句，所以扭要返屋企唔去主日學。