當我不想贊熟油時, 就會整潮式蒸魚, 今次蒸黃鱲鯧. 黃鱲鯧本身好重油份, 用來整潮式蒸清清哋就最啱. 用鹹酸菜, 咸水梅, 冬菇, 蕃茄和豆腐(今次我冇落)一齊蒸, 臨蒸前淋上熱上湯(我只用滾水), 蒸熟後滴少少麻油就好香好好味. 如果覺得味道淡, 可以加些少豉油或鹽. 平時Daddy絶對不會主動去夾魚, 今餐却不停的夾, 還大啖大啖的食, 可見他有多喜歡這道菜.
另一菜只是簡單白灼油菜. 湯是鮮蝦雲吞湯, 用豬肉和蝦仁包了一盆雲吞.
湯底是用江魚仔, 蝦殼和浸冬菇水淆的, 很鮮甜.
Daddy 和囝囝們都好鐘意食雲吞餃子之類, 所以食得很開懷. 細佬人細細都食了很多粒.
食完飯大家坐低睇電視, 我見到細佬流鼻涕, 就叫他自己去拿紙巾抺. 懶惰的他不肯, 要我幫他拿, 我當然不管他. 他居然好嗲的叫: "哥哥, tissue!", 跟住大佬就行去幫他拿. Daddy見到搖搖頭說:"唉, 怪不得細佬會給縱壞, 連哥哥都這樣寵他!" 大佬答:"I'm the 哥哥, so I must take care of 弟弟." 大佬真係好鍚細佬, 成日幫住佢.
好想食雲吞呀, 見你成日蒸魚, 你就好, 我成屋人2/3唔食
ReplyDelete[版主回覆04/25/2011 22:27:00]食魚有益呀，煎或者炸佢哋食唔食呀？
兄弟和睦很難得。 家教做得好！
ReplyDelete[版主回覆04/25/2011 22:27:00]真係好得意，兩個唔知點解咁好感情。
細佬唔夠 瞓???
ReplyDelete[版主回覆04/25/2011 22:25:00]係呀，佢嗰日好早起身，晏晝又瞓唔夠。
竉壞了要哥哥負責啊!!! 嘻嘻!!
ReplyDelete[版主回覆04/25/2011 22:25:00]兩個都係一担擔，都係咁曳。
不如你開一個兄弟sweet事件簿黎講佢地D sweet野啦...我次次聽完你講佢地兩兄弟既sweet野,都覺得好感動!!
ReplyDelete[版主回覆04/25/2011 22:24:00]可以考慮喎。
哈哈...連DADDY都搖搖頭說:"唉....哈哈哈...好在細佬係細佬..唔係細妹....唔係DADDY都可能縱壞一份..
ReplyDelete[版主回覆04/25/2011 22:23:00]如果係細妹就真係唔得了囉，實變刁蠻公主。
兄弟同心 你就開心
ReplyDelete[版主回覆04/25/2011 22:20:00]梗係啦。
我都想食雲吞..復活節快樂.
ReplyDelete[版主回覆04/25/2011 22:20:00]復活節快樂! 隻温泉蛋好正啊!
好少两兄弟唔争嘢的, 你好幸福呀, 有對乖仔.
ReplyDelete[版主回覆04/25/2011 22:19:00]佢哋有時都會爭嘢架，不過大佬通常都肯讓細佬。
江魚仔係咩呀?
ReplyDelete[版主回覆04/27/2011 20:09:00]江魚仔英文應該係dried anchovies, 晒乾咁的魚仔。
你包的雲吞好靚！ 未試過用蕃茄蒸魚，好似幾特別。
ReplyDelete[版主回覆04/28/2011 10:49:00]我屋企成日都加埋蕃茄蒸魚架, 幾好味架.