金華火腿鮮蝦炆魚肚, 海帶瑤柱排骨湯

囝囝們上星期四開始病, 連我都被感染, 星期五和六晚都有少少燒. 

今日全家都好得七七八八, 只剩細佬仲有傷風咳.  細佬可能因為咳和鼻塞, 夜晚瞓唔好, 連累我都冇覺好瞓, 所以今日好攰.

噚日亦都好攰, 所以唔想用腦諗煮咩餸, 隨口叫姐姐煮炆魚肚, Daddy 和囝囝們都好鐘意食的.

姐姐今次冇用罐頭雞湯, 自己用豉油, 糖, 魚露來調味, 加埋金華火腿, 魚肚吸晒啲鮮味, 可惜姐姐落魚露時重手咗少少, 稍嫌鹹咗啲啲, 不過送飯食都尚可接受.

煲了海帶瑤柱排骨湯, 湯裏還加了綠豆, 扁豆, 赤小豆和紅蘿蔔, 好甜好鮮味.  我諗呢煲湯應該係清涼下火作用, 因為有海帶和綠豆, 實際上我唔太清楚, 煲佢只因好味.

因為我實在太攰, 又忙着整麵包, 成餐都是姐姐煮的, 所以湯裏面有浮油.  如果我煲, 我會煲至中途開始間中撇走浮油, 因為我好怕湯太油. 

仲有其他餸, 但冇咩特別唔影相.

上星期post過大佬用stepping machine做運動的相, 噚日終於幫細佬仔影到相, 佢就係咁用pat pat 來玩部機嘞.

或者用手推, 總之就唔會用腳踏, 因為腳仔未夠力.