終於可以過沒有眼鏡的日子了.
因為做了激光矯視.
重歷歷既眼鏡和好怕戴既con, 全部可以丟入垃圾桶 lu.
一月三十日做手術, 第二日去驗已經6/6, 即perfect eyesight. 原本成900度近視加散光, 一夜間變perfect, 媽咪都話依家真係醫學昌明.
第一次量體重唔駛戴眼鏡都睇到幾重.
第一次沖涼睇得清楚.
第一次夜晚起身睇到時間.
戴左廿幾年眼鏡, 都有d唔習慣.
有時都會去揾眼鏡.
瞓覺之前會諗起要放副眼鏡係床邊.
最牙煙係瞓覺前入厠所會有衝動想除con.
依家定時要滴眼藥水, 出街要戴黑超
, 都係暫時既不便.最緊要係以後著靚裙都唔駛專登戴番副con.
好喇, 對眼要休息了, 由現在開始要善待我對新眼.
駛唔駛打麻醉針架? 痛唔痛架?
ReplyDelete[版主回覆01/04/2010 17:19:00]唔駛打麻醉針, 只係滴幾滴有麻醉藥既眼藥水. 係唔痛架, 只係手術後麻醉藥開始退後會覺得'劫'同唔想開眼, 但瞓一覺就乜感覺都冇喇. 你有興趣知更多既話, 我可以post啲詳細資料係blog度分享吓.
Yeah！Congratulations！
ReplyDelete我今日去驗左眼，下星期四做。我好驚，你驚唔驚呀?
ReplyDelete[版主回覆02/07/2010 15:27:00]其實我手術前完全唔驚, 唯一開始驚是正式手術時. 不過, 唔駛驚, 手術好快亦好簡單. 祝你手術成功!