鍋貼

噚晚好遲至瞓得着, 攪到今日好攰, 好眼瞓.   

上星期响facebook見到朋友整餃子, 所以下定決心週末整.

以前只識用現成水餃皮來包餃子, 但自從在英國時學識自製餃子皮後, 再也沒法接受用現成餃子皮了.

在英國時的第一年隔隣住了一位台灣女孩, 是一位千金小姐, 不過我跟她還挺投緣, 結果我倆幾孚毎天都一起吃晚餐, 誰早回誰就先煮.  既然是千金小姐, 廚藝當然不怎麼樣, 可是她認識一位從台灣去定居的老婆婆, 非常會煮.  朋友毎次去拜訪她都會打包好多美味的食物回來與我分亨.  記得老婆婆做的花卷, 餃子是特別好吃. 之後我就很想學做, 自己去找書和上網找食譜, 再自己亂亂試, 最後我那台灣朋友都讚我的餃子做得不錯哩. 

我比較喜愛水餃, 但Daddy 和大仔都愛食香口既鍋貼, 為了方便, 我毎次都用燙麵團, 包好後的餃子, 要燙要煎悉隨專便.

燙麵就是用熱水來搓的麵團, 煮出來口感較Q, 適合做鍋貼.  用冷水搓的叫冷水麵團, 用來做水餃的.  份量都是大概三杯粉對一杯水, 揉好後放一旁醒(即讓麵團鬆弛)二十分鐘.

我一邊擀皮, 姐姐一邊包. 今次用韭菜豬肉餡.

姐姐包得幾靚架.

呢碟係煎好既鍋貼, 我懶冇落麵粉水來煎,  只落清水.  總共煎了兩碟, 另再加一細碟水煮既.

剩下少許麵團, 快手切少少蔥粒, 做了三個蔥油餅.

再加碟油菜就係噚晚既晚餐.  大仔食得好開心, 猛咁話: 'This is the perfect dinner, thank you, mommy', 聽到我冧晒.  結果佢一個人食咗幾乎兩個蔥油餅和至少六隻鍋貼, 食完仲話要留番四隻鍋貼和半個蔥油餅今日食.  如果佢毎餐都係咁就好嘞.

我自己都食咗好多, 飽到夜晚胃痛瞓唔着, 都係為食累事.

我煎鍋貼除了懶唔用麵粉水煎, 做法都算正宗, 落油, 放鍋貼煎片刻, 洒水冚蓋焗, 等水乾再繼續煎至焦黃.  姐姐居然話唔應該加水, 就咁煎就得喎, 外面食既都係就咁炸之嘛, 仲好食啦.  俾佢激死我, 外面為咗快, 梗係炸就算啦, 邊有咁得閒慢慢煎呃, 但成隻炸熟, 裏面啲餡都炸到乾晒, 仲點會好食呀.  我都冇佢咁好氣, 費事解釋佢聽.