簡單就是美

見到個標題, 會唔會以為呢篇係講扮靚呢?

簡單就是美

形容我做蛋糕裝飾時既心情係最貼切, 尤其毫無頭緒的時候用來自我安慰. 

前晚腦裏面就不停同自己講呢句.....

大家睇相就明嘞..... Blackberry yogurt mousse cake

屋企連可以裝飾蛋糕的生果都無, 由冰箱挖包雪咗好耐既甜忌廉, 順便玩吓唧咀.  夜晚影相cream上啲紋路影唔清楚, 白雪雪既cream配紫紅色mousse, 眨吓眼都唔錯. 

跟住又玩埋朱古力裝飾, 求其整啲朱古力葉.  真係求其得滯, 朱古力未軟得晒就唧, 攪到好醜怪.  再豉單插上忌廉上面, hmmm.....

仍然係嗰句: 簡單就是美. 

整呢個蛋糕純粹係要清雪柜裏既剩餘物資 - 一包急凍blackberry雪到幾孚比我遺忘, 一杯自己都唔知買嚟做乜既natural yogurt.  完全係自己亂做一通之作, 一邊整一邊諗份量. 

六吋正方形蛋糕, 切開兩份, 一份自己家人食(上面啲相), 另一半再切成六小塊, 帶返公司和同事分享.  大家有福同享, 有卡路里同當享嘛. 

Blackberry 和 natural yogurt 都係酸, 糖已經落重手咗, 但都有少少酸, 不過我就覺得幾好, 幾refreshing, 配埋上面啲甜忌廉食就啱啱好.