魚露燒雞翼, 實物是好漂亮的金黃色, 影相顏色就淡了點. 第一次用魚露來醃雞翼, 很怕太鹹, 不過出來味道不錯. 這碟拿出來時大家都好興奮, 哥哥還一連食了五隻.
今次用了1kg左右的雞翼, 醃料用了大約5湯匙魚露, 2湯匙紹酒, 1.5 湯匙老抽, 2 茶匙糖和少許麻油和糊椒粉. 醃料和雞翼混合後放入膠袋內, 放雪櫃雪過夜, 間中轉一下, 讓醃料能均勻地接觸到每隻雞翼. 預熱焗爐200度, 焗35分鐘至熟, 中途要反轉, 見到雞翼尖開始深色就要用錫紙包着以防燒焦. 我個人口味偏淡, 所以下次我會減低魚露份量.
已經有香口的燒雞翼, 其他的餸就清淡點. 釀茄子和青椒, 魚滑買現成的, 釀好後略煎再加水和蠔油加蓋炆, 最後勾芡即成. 細佬的口味很特別, 通常小朋友們都怕食茄子(我以前也是), 但他偏偏很喜歡, 哥哥狂食雞翼, 他卻一直吃釀茄子.
魚翅瓜紅蘿蔔蜜棗排骨湯, 再加油菜一碟.
我識大部份既新加坡人(包括我老公)唔鐘意食"有骨"既食物....
ReplyDelete我老公都唔食有骨既嘢架, 但今個星期佢出trip, 所以呢餐我哋可以盡食雞翼. 好彩囝囝哋口味似我, 無骨既佢哋反而唔鐘意, 細細個就會食雞腳添.
Delete我都正在訓練大豆食雞翼，因為佢老豆都好怕有骨的肉，雞翼更免問
ReplyDelete魚露雞翼焗得好靚呢，好想食呀！大哥口味很正常，我細個都係雞翼怪！細佬真係特別，喜歡蔬菜，那都好，他們食飯不會爭同一味餸
可能因為佢哋由細到大都係食我煮既嘢, 而我煮嘢未必會就佢哋老豆, 所以佢哋由細開始就食雞翼, 排骨, 五花腩等有骨有皮有肥肉的食物, 唔駛特別訓練. 細佬真係好特別, 有日見到張popeyes炸雞店的單張, 兩兄弟一齊研究要食咩, 細佬指住其中一個餐兜coleslaw話: "I'll eat this, the rest is yours.". 佢真係好鐘意食菜, 菇等, 肉只要少少就夠.
Deletemy kids love the chicken wings too (mummy of two)
ReplyDeleteI think kids all like chicken wings, actually most adults too.
Delete一連食了五隻,咁碟o野咪冇咗半???
ReplyDelete係, 幾乎半碟, 全碟有十二隻.
Delete細佬的口味好多家長羨慕，唔使迫食菜呢
ReplyDelete唔使逼佢食菜, 但就食得少同慢囉, 所以唔長肉.
Delete連食五隻雞翼？好犀利喎，證明是好好味啦。
ReplyDelete佢最鐘意食雞, 但今次五隻雞翼又真係好誇張.
Delete雞翼， 我至鍾意食。 只有小朋友先可食咁多隻！正！
ReplyDelete大人都可以, 只係我哋怕肥唔敢食.
Delete