上次顏色太淺, 明明照足食譜架, 後來在Phoon Huat見到一樽樽的molasses, 晃然大悟, 原來我上次用錯糖. 上次我買了dark molasses sugar, 係好深色的砂糖而已, 食譜上其實寫dark molasses 而唔係dark molasses sugar.
今次顏色深好多, 味道會濃啲, 有啲焦糖味, 不過少啲彈性, 或者我搓得唔多, 但落咗dark molasses個麵糰係勁痴手的.
入爐前係咁樣, 姐姐猛笑話似某樣物體.
顏色都仲係比Outback的淺, 再試多一次, 今次加了少少可可粉, 加埋提子, 食落有啲似麥包. 囝囝問我係咩包, 我話係朱古力提子包, 佢好開心咁帶返學校食. 夜晚同我講: "邊係朱古力包呀, 都冇朱古力味!". 咁係真係加咗可可粉噃, 冇呃佢架, 只係加好少所以食唔出味之嘛. 可可粉只係用嚟加色水, 今次出嚟個樣就有九成似嘞.
為咗試呢款包, 買咗一包dark molasses sugar和一樽molasses, 又要諗點去消化呢兩樣糖lu.
整容前後又差别好大窝. 整咗出爐 - 靚晒.
ReplyDelete[版主回覆11/08/2010 10:29:00]未入爐時個樣真係唔多開胃.
想深色些自己煮些焦糖......
ReplyDelete[版主回覆11/08/2010 10:30:00]但係molasses已經幾孚黑色架噃, 我諗自己煮焦糖都煮唔到咁黑呀.
咁下次整多d, 我地個個有份, 咪可以幫您消化左佢囉.
ReplyDelete[版主回覆11/08/2010 16:43:00]呢款包好痴手好難搓架, 只可以小本經營, 整好啲啲我都搞唔掂呀.
你囝囝當時好期待一陣break或lunch時吃朱古力味既包，點知一咬就... 好失望
ReplyDelete[版主回覆11/08/2010 16:46:00]哈哈, 你哋都好錫囝囝喎. 不過可惜呢個惡毒媽媽一啲都唔動容, 因為囝囝好易喉嚨痛和咳, 朱古力食好少好少. 其實囝囝都慣晒, 有人俾糖或朱古力佢, 如果我在場, 佢就唔會要, 話佢唔食得.
我都想像到你囝囝好失望個樣.
ReplyDelete[版主回覆11/08/2010 16:46:00]哈哈, 你哋都好錫囝囝喎. 不過可惜呢個惡毒媽媽一啲都唔動容, 因為囝囝好易喉嚨痛和咳, 朱古力只可以食好少好少. 其實囝囝都慣晒, 有人俾糖或朱古力佢, 如果我在場, 佢就唔會要, 話佢唔食得.
好似屎屎呀..
ReplyDelete[版主回覆11/09/2010 14:07:00]哎吔, 乜你講出嚟架, 我特登唔寫咁白.