Housewarming lunch on Deepavali (5/11/2011)

上星期五係新加坡公眾假期, 叫Deepavali, 係印度同胞的屠妖節.

請了教會小組來我家housewarming.

本來組長問我幾時得閒時, 我以為是平時的家庭小組聚會, 通常只有三至四個家庭, 隨便預備少少食物就搞掂.  點知組長email出嚟居然係邀請成個小組, 仲變咗我新居的housewarming, 最後總共有33人.

因為要遷就小朋友, 聚會在朝早11點半開始.  只有我和姐姐兩對手, 晨早流流又邊煮到咁多人既嘢食, 所以星期日就開始準備, 整了上一篇寫的三十六個菠蘿包.  星期二晚整燻蹄, 星期三晚整醉雞, 星期四晚炆牛腩牛肚, 切青瓜和預備雞絲.  上個星期日間响公司忙到屎, 返到屋企又不停咁煮.

醉雞

柱候蘿蔔牛腩牛肚

炸魚柳, 個脆漿用啤酒調的, 小朋友的favourite.

Mango salsa

mango salsa 可以配炸魚柳或tortilla chips 吃.

自製叉燒, 燒肉

海蜤燻蹄

涼拌青瓜雞絲

草菇貴妃蚌扒小棠菜, 共兩大盆.

朋友帶來的滷水牛展

一個唔識煮嘢食的朋友即場整的sushi

當然仲有我的菠蘿包, 還有一大煲白飯.

團契當日送來的glass jug, 即場用來弄fruit punch.

其實本來仲要煮蝦仁炒蛋和金菇牛肉卷, 但見已經咁多嘢食就冇煮了.

Planning 係好重要的, 當日只需翻熱牛腩和菠蘿包, 整salsa, 切雞切燻碲, 炸魚, 焗燒肉和叉燒, 好準時11點半上菜, 嗰時人都未到齊哩.

好彩新屋夠大, 呢度只係其中一部份人咋.  如果喺舊屋, 我諗咁多人要企到出門口.

大家都食得好開心, 尤其小組裏面有幾個是香港人, 見到咁多香港口味既嘢食都不知幾興奮.

Daddy第二日好開心咁同我講: "他們說我是幸福的男人".  乜佢家陣先知咩?  佢只係帮我落樓下超市買咗支花彫酒咁大把, 我同姐姐兩個人就搞掂成個party, 咁唔係幸福係咩呢?

除咗個jug外, 小組還送了這本書給我, 又有新食譜去玩嘞!

其實夜晚仲有多一班人嚟食晚飯, 下次先post.

今次我總共買了3kg牛腩牛肚, 三隻大雞, 2.2kg菜, 9塊chicken thigh, 一隻豬手, 兩包急涷魚柳, 大概一斤的豬腩肉, ~1kg pork shoulder, 仲有冇煮的兩包火煱牛肉, 半公斤大蝦和 半公斤細蝦.  星期六去買, 要去勻幾個地方先買齊, 跟住個雪柜冰格就爆滿.

順便俾你哋睇吓炆牛腩牛肚的相, 一邊煮我一邊覺得自己好似喺旺角街邊賣緊牛什.