冬瓜豆卜炆火腩, 冬蔭公

聽日就係大少爺六歲生日party, 呢兩日忙着預備, 好攰呀! 

我只答應囝囝開個小party, 所以只發了八張邀請咭給他的同學仔, 仲未有家長回覆要嚟, 家陣好擔心到時冇小朋友嚟囝囝就會好失望.    早知就攪大佢, 請埋我自己朋友啲細路啦, 依家先請人已經太遲.

上次housewarming dinner 皮焗得唔夠脆的燒腩, 唔怕嘥, 存了入冰箱, 一個星期後用來炆冬瓜豆卜.

大概話俾姐姐知點整, 佢話炆咗半個鐘左右, 豆卜和冬瓜吸晒啲味, 超好味.  除咗脆卜卜的燒肉皮外, 炆到淋晒的燒肉我都一樣鐘意.  囝囝們嗰晚食飯食得好快, 大仔仲難得添飯哩. 

响呢邊好難得炆火腩架, 因為呢邊外面買燒肉又貴又唔靚, 要自己整開燒肉有食剩先會用嚟炆咋.

同晚還煮了冬蔭公, 湯底用上蝦殼香茅檸檬葉來淆, 並非外面賣的用tom yam stock cube的.  我從來唔食外面food court啲咩咩tom yom 乜乜物物, 因為大部份都係用stock cube整. 

每次都要煮唔辣的, 然後再另外準備指天椒粒, 我和姐姐的那碗才加辣椒粒, Daddy 和囝囝喝的都只唔辣的蝦湯.

講開tom yam stock cube, 諗起以前在英國時識得一個泰國男仔, 某日放學大家拎單車時撞到, 佢請我去佢度食飯.  有泰菜食喎, 幾咁開心, 滿懷期待地跟他回宿舍.  跟住佢就表演用半個鐘頭煮好一餐兩餸一湯的晚餐 - 雞肉冬蔭公, 泰式炒辣豆角, 蘑菇炒雞肉.  原來所謂冬蔭公只係用stock cube, 幾分鐘就掂.  炒豆角只係用現成泰國辣椒醬炒幾下, 蘑菇炒雞肉就更快, 兜兩兜落蠔油就ok. 

哈哈, 外國留學生都係咁架啦, 外面買既無啖好食又貴, 就自己求其煮囉, 點都算有住家飯食嘛.  所以好多去留學既男生在家飯來張口, 去到外國都會變咗大廚.